KAIMANGNGANG 2:15 - KITTA' MATANGKASA'

¹⁵ Anjo gandunga musti nitiriki minynya' zaitun siagang nisarei kamanynyang irateanna.

KAIMANGNGANG 2:15 ပူးပေါင်းရင်းမြစ်များ

KALAPPASSANG 29:2

Apparekko leokang battu ri tarigu kaminang bajika tenaya nammake pa'gambang. Sipa'gang anjo leokanga musti nipareki roti siagang minynya' zaitun, sipa'gang maraenga tena nammake minynya', nampa la'binna nipareki kanrejawa nisapua siagang minynya'.

KALAPPASSANG 30:34

Nakana Batara ri Musa, “Angngalleko a'rupa-rupa rampa ia sangkammaya jaina, iamintu gatta damara', bi'bi' lokan, gatta rasamala siagang kamanynyang tenaya campuranna.

KAIMANGNGANG 2:1

Punna nia' tau assare koro'bang nipatala mae ri Batara, anjo koro'banga musti a'rupa labu' kaminang bajika, ia nitirikia siagang minynya' zaitun siagang nisarea kamanynyang rateanna.

KAIMANGNGANG 2:14

Punna assareko koro'bang mae ri Batara, iamintu gandung bungasa' nukattoa, erangi anjo gandung berua ia le'baka nidengka sa'genna alusu' yareka le'baka nilangga.

KAIMANGNGANG 2:16

Imanga musti natunui sipa'gang anjo gandunga siagang anjo minynyaka kammayatompa sikontu anjo kamanynyanga, a'jari pammatei angkanaya yangasenna anjo le'ba' ngasemmi nipassareang mae ri Batara.

KAIMANGNGANG 5:11

Punna tena pakkullena anjo tau kasalanga appasadia sipasang bukkuru' yareka jangang-jangang bodobangkeng untu' koro'bang nipammopporanna dosaya, musti angngerangi sikilo labu'. Anjo labuka takkulleai nipasileo' siagang minynya' zaitun yareka nipasierang kamanynyang, nasaba' anjo koro'banga iamintu koro'bang nipammopporanna dosaya, teai koro'bang nipatala.

PAMMILANGNGANG 15:4

Inai-nai assare gimbala' yareka bembe untu' koro'bang nitunu mae ri Batara, musti napasierang tongi siagang anjo tunggala' olo'-oloka iamintu sikilo labu' nipasileoka siagang silitere' minynya' zaitun untu' koro'bang nipatala, kammayatompa pole silitere' je'ne' anggoro'.