KAIMANGNGANG 19:4 - KITTA' MATANGKASA'

⁴ Teako anynyombai barhala. Teako appareki patung battu ri bassi-bassiang nampa nusomba. INakke Karaeng Allata'alanu.

KAIMANGNGANG 19:4 ပူးပေါင်းရင်းမြစ်များ

1 KARAENG-KARAENG 14:9

Mingka ikau nugaukangi kaja'dallang la'bi lompoanganga naapa nagaukanga sikamma tau le'baka ammarenta rioloangnganna naikau. Ikau nubokoiA' siagang nupabattui larroKu lanri apparekko patung-patung battu ri bulaeng untu' nisomba.

1 PATTOTTORANG 16:26

Rewata-rewata bansa maraenga poro barhalaji bawang mingka Batara Iami mappa'jari langi' malompoa.

2 PATTOTTORANG 28:2

Sangkammai karaeng Israel panggaukanna ri tallasa'na siagang nasuroi taua appare' patung Baal tambaga,

PAMMUJI 96:5

Sikontu rewatana bansa maraenga poro patung barhalaji bawang, mingka Batara, Iami ampareki sikontu apa niaka.

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

KALAPPASSANG 32:4

Naallemi Harun anjo sikamma anting-antinga, nampa napasolong nampa napatiri' antama' ri katarang nappare' se're patung sapi. Nakanamo anjo bansaya, “He, Israel iaminne rewatanta, ia angngantarakki' assulu' battu ri Mesir!”

KALAPPASSANG 34:17

Teako appareki siagang anynyombai ri rewata-rewata de'dekanga.

KAIMANGNGANG 11:44

INakke Karaeng Allata'alanu, lanri kammana anjo jagai kalennu sollannu tuli matangkasa', lanri iNakke matangkasakKa'.

KAIMANGNGANG 19:25

Lalang taung makalima nampami akkulle nukanre rapponna. Punna nugaukang ngaseng sikontu anjo paratoranga, lapila' jai rapponna anjo poko' rappo-rappoannu. INakke Karaeng Allata'alanu.

KAIMANGNGANG 19:5

Punna assareko olo'-olo' untu' koro'bang passiamakkang, pinawangi paratorang-paratorang Kupassareanga, sollanna Kutarima anjo koro'banga.

KAIMANGNGANG 26:1

Nakana Batara, “Teako appareki barhala yareka teako appaentengi patung yareka benteng batu niukirika untu' nusomba. INakkemi Karaeng Allata'alanu.

HAGAI 2:18

Anne alloa, tanggala' ruampulo angngappa' bulang salapang, le'ba'mi nitannang pundasi ballakKu! Parhatikangi apa lakajarianga appakkaramula anne wattua.

1 KORINTUS 10:14

Lanri kammana, sikamma sari'battang kukamaseanga, paralluko angkabirisi anjo panggaukang anynyombaya mae ri barhalaya.

PAOLE 27:15

Tu Lewi: ‘Nitunrai tau appareka patung battu ri batu, kayu yareka bassi-bassiang, nampa nasomba accokko-cokko; Nakabirisi Batara panynyombanga ri barhala!’ Sikontu ra'yaka: ‘Aming’!

PAOLE 4:16

Jari katutui sollanna tena nanudoraka lanri nupapparekanna kalennu patung untu' nusomba, baji' bura'ne yareka baine,

PAOLE 7:25

Tunui sikamma patung-patung barhala nasombaya ke'nanga. Teako cinnai ri pera' yareka bulaeng niaka ri kalenna siagang teako allei untu' kalennu. Punna nudakkai anjo parentaya tena tamatenu, nasaba' Nakabirisi Karaeng Allata'alanu anynyombaya ri patung barhalaya.

1 YOHANES 5:21

Sikamma ana'-anakku, pakabellai kalennu battu ri sikamma barhalaya!