KAIMANGNGANG 19:32 - KITTA' MATANGKASA'

³² Angngalikko siagang pakala'biriki tau toaya. Paralluko mappakala'biri' siagang malla' mae ri Nakke, nasaba' iNakkemi Batara.

KAIMANGNGANG 19:32 ပူးပေါင်းရင်းမြစ်များ

PA'JARIANG 31:35

Nakanamo Rahel ri manggena, “Teaki' larroi Bapa', nasaba' takkullea' ammenteng anruppaiki', nasaba' battui bulangku.” Naboya baji'-baji'mi Laban anjo patunga, mingka tanabuntulai.

PA'JARIANG 48:12

Nampa naallemo anjo ke'nanga battu ri riwaanna Yakub. Nampa kalenna assu'ju'mi ri dallekanna manggena.

1 KARAENG-KARAENG 2:19

Jari a'lampami Batsyeba mange ri karaenga untu' ambicarakangi anjo passalaka untu' Adonia. Ammentemmi karaenga anruppai amma'na siagang assu'ju' mae ri ia. Nampa ammempo pole irate ri empoang kakaraenganna. Nampa nasuro taua appasadia kadera ri sa'ri kananna untu' amma'na.

2 KARAENG-KARAENG 17:36

Pakala'birikKa', iNakke Batara, le'baka angngerangko assulu' battu ri Mesir lalang koasa malompoKu; anynyombako ri Nakke siagang angngerangko passare mae ri Nakke.

AYUB 32:4

Anjo Elihu, iami kaminang lolo ri ke'nanga, lanri kammana attayammi sa'genna le'ba' ngaseng taua a'bicara.

AYUB 32:6

na nakana, “Inakke rungka ija', ikatte ngaseng toa maki', lanri kammana anjo, mallaka' na kuranggasela ampaui panggappaku.

PANGNGEBARANG 16:31

Tau lambusuka lanisarei umuru' la'bu; uanna sanrapangi songko' kalompoang accaya.

PANGNGEBARANG 20:29

Tau rungkaya nikangalikangi lanri kagassinganna, na nipakalompo tau toaya lanri uwanna.

PANGNGEBARANG 23:22

Mannurukiko ri manggenu; saba' punna tenai, tena nu'jari tau. Punna toamo amma'nu, picinikiangi angkanaya nupakalompoi.

YESAYA 3:5

Lamassing sijalla'-jallakkangi taua. Tau rungkaya tanajampangiai tau toaya, siagang tau ca'dia tanajampangiai tau lompoa.

PIRAUNG 5:12

Pamimping-pamimpinna ikambe nijakkalaki nampa nigentung, tau-tau toana ikambe tenamo nanipakalompoi.

KAIMANGNGANG 19:14

Teako tunrai tau tongoloka siagang teako attannangi batu pattato'roang ri dallekanna tau butaya. Paralluko appakala'biri' siagang malla' mae ri Nakke, saba' iNakke Karaeng Allata'alanu.

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

1 TIMOTIUS 5:1

Teako liwakki larronu mae ri tau la'bi toanganga na ikau. Usahakangi nanapilangngeri kana-kanannu sanrapang angkana iami manggenu. Ia tau rungkaya pasangkammai sari'battannu;

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.