KAIMANGNGANG 19:19 - KITTA' MATANGKASA'

¹⁹ Mannurukiko ri parenta-parentaKu. Teako appa'buntingi olo'-olo' tenaya nasangkamma. Teako a'lamungi ruang rupa lamungang ri se'rea butta. Teako ammakei pakeang battu ri ruang rupaya bannang nitannung.

KAIMANGNGANG 19:19 ပူးပေါင်းရင်းမြစ်များ

PA'JARIANG 36:24

Zibeon, nia' rua ana'na bura'ne, iamintu Aya siagang Ana. (Ana, iaminne ambuntuluki timbuseng je'ne' bambanga ri parang lompoa, ri wattunna nakalawaki sikamma keledaina manggena.)

2 SAMUEL 13:29

Nagaukammi anjo sikamma ataya parentana Absalom, nampa nabuno ke'nanga Amnon. Nacini'na anjo kajariang kammaya sikamma ana' bura'nena Daud maraenganga massing nai'mi ri jaranna nampa lari.

2 SAMUEL 18:9

Ri wattunna nabae Absalom jaranna, ti'ring assibuntulu'mi siagang ana' buana Daud. Allaloi anjo jaranga rawanganna poko' kayu lompoa nabodo poko'na, sa'genna tassangkala'mo ulunna Absalom ri tangkenna anjo poko' kayua. Jaranna lari tulusuki nampa Absalom ammantangi ta'gentung anjoreng ri tangke kayua.

1 KARAENG-KARAENG 1:33

nakanamo karaenga mae ri ke'nanga, “Kioki sikamma perwira tantaraku siagang a'lampako siagang ke'nanga mange ri anakku Salomo. Panaiki ri keledai kalengku, siagang erangi mange ri timbuseng je'neka ri Gihon.

KAIMANGNGANG 18:4

Turuki laloi hukkung-hukkungKu siagang gaukangi apa Kuparentakanga. INakke Karaeng Allata'alanu.

KAIMANGNGANG 19:37

Turuki sikontu hukkungKu siagang parentaKu. INakke Batara.”

KAIMANGNGANG 20:8

Turuki hukkung-hukkungKu, lanri iNakkemi Batara, le'baka ansa'lakko untu' KalengKu pata.”

KAIMANGNGANG 22:31

Nakana Batara, “Turuki parenta-parentaKu; iNakke Batara.

KAIMANGNGANG 25:18

Turuki sikontu hukkunNa siagang parentaNa Batara, sollanna amang tallasa'nu lalang ri anjo pa'rasanganga.

LUKAS 5:36

Nampa Nacaritamo pole Isa ri ke'nanga anne pangngebaranga, “Tena tau antampengi baju toana, nakaeng battu ri baju berua napake antampengi. Nasaba' tantu nakekkeki anjo baju berua. Siagang pole, tantu tena nasicoco' anjo kaeng pannampeng berua siagang anjo baju toaya.

ROMA 11:6

Napilei Allata'ala ke'nanga lanri pangngamaseanNa bawang, jari teai lanri panggaukanna ke'nanga. Nasaba' punna lanri panggaukang baji'na naNapilei Allata'ala rupataua, teaimi pangngamaseang tojeng-tojeng anjo pangngamaseanNa Allata'ala.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:5

Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.