KAIMANGNGANG 19:17 - KITTA' MATANGKASA'

¹⁷ Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.

KAIMANGNGANG 19:17 ပူးပေါင်းရင်းမြစ်များ

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

2 SAMUEL 13:22

Naboli'-boli'mi larro duduna Absalom mae ri Amnon siagang taerokami angngagangi akkana lanri le'ba'na nagau' sala andi'na iamintu Tamar.

NEHEMIA 13:17

Kupakaingaki sikamma pamimping Yehuda kukana, “Tanuassengaika kalennu angkana a'gau' ja'dalakko lanri nura'massinna allo Pammari-marianga?

PAMMUJI 141:5

Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.

PANGNGEBARANG 9:8

Teako callai tau taeroka niajara', saba' lanakabirisiko. Mingka punna tau cara'de' nupicinikiang kasalanna, lanapakala'birikko.

LUKAS 17:3

Jari tutu laloko! Punna doraka sari'battannu, pakaingaki. Punna nasassala'mo kalenna, pammopporangi.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

1 KORINTUS 5:2

Mingka manna nakamma, ero' ijako tuli attampo-tampo. Sikontutojenna, musti si'nai nyawanu siagang musti nupassuluki anjo tau a'gau' kammaya battu ri alla'nu.

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

1 TIMOTIUS 5:20

Inai-nai a'gau' dosa, musti nipakaingaki ri dallekanna sikontu jama'aka, sollanna a'jari malla' maraengannaya.

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

2 TIMOTIUS 4:2

Parallui nubirittakang anjo biritta battua ri Allata'ala; paralluko tuli sadia lalang ri wattu bajika yareka ri wattu tenaya nabaji'. Parallui nupa'jari tappa' taua, nupauang kasalanna, siagang nupakamaju ke'nanga. Sa'bara' tojeng-tojengko angngajaraki taua.

TITUS 1:13

Kammatojengi apa napaua anjo na'bia. Iami anjo saba'na namusti nuterassi nupakainga' ke'nanga; sollanna akkulle tuli anna'gala' jarre' ke'nanga ri ajarang tojenga,

TITUS 2:15

Pangngajarrangi yangasenna anjo, siagang pakaingaki kammayatompa piu'rangi sikamma tau mallangngereka; usahakangi nangngali' ke'nanga mae ri kau. Teako pa'biangi kalennu nicini' tuna ri taua.

1 YOHANES 2:11

Mingka inai-nai angkabirisi sari'battanna, ma'nassa lalammi ri sassanga. Lalammi ri sassanga a'jappa, siagang tanaassengami angkana la'lampa kereimae, nasaba' takkulleai accini' napakamma anjo sassanga.

1 YOHANES 2:9

Inai-nai nakana kalenna niaki lalang ri singaraka mingka nakabirisi sari'battanna, ma'nassa niaki lalang ri sassanga sa'genna kamma-kamma anne.