KAIMANGNGANG 19:13 - KITTA' MATANGKASA'

¹³ Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

KAIMANGNGANG 19:13 ပူးပေါင်းရင်းမြစ်များ

AYUB 17:5

Nakana paruntu' kanaya, inai antuntuki aganna lanri untu' passawallang, kalenna ana'-ana'na lannarima pa'balasa'.

AYUB 31:39

ebara' angkana la'busuki wassele'na kukanre, na kubalang parekang cipuru' pamarri allamungai,

AYUB 7:2

sanrapangi ata nakkuka ri pa'la'langang; sanrapangi pajama attayanga sambe poso.

KALAPPASSANG 20:15

Teako a'lukkakki.

KALAPPASSANG 22:13

Punna nialle ri olo'-olo' sekke' anjo olo'-olo' piaraya anjo tau ammarakaia musti napappicinikangi sesa buku-bukunna untu' a'jari butti mae ri patanna; tena naparallu a'bayara' sambe karugiang untu' anjo olo'-oloka.

KALAPPASSANG 22:15

Mingka punna nia' patanna ri anjo tampaka nakajariang anjo passalaka, anjo tau angnginranga tena naparallu a'bayara' sambe karugiang. Punna anjo olo'-oloka nisewai, sewanami antongkoki karugianna.”

KALAPPASSANG 22:21

Teako anjallakkangi yareka teako a'gau' tena naadele' mae ri bansa maraenga; u'rangi angkanaya ikau riolo bansa maraeng tonjako annompang ri Mesir.

KALAPPASSANG 22:7

Ebara'na nia' tau assituju ammoli' apa-apa, kammayami a'rupa doe' yareka barang niaka anggaranna. Mingka ri bokoangallo nilukkaki anjo barang nibolika ri balla'na. Punna nigappa palukkaka, musti nabayaraki anjo baranga a'lappi rua.

PANGNGEBARANG 20:10

Timbangang siagang ukkurang jekkonga taNangaiyai Batara.

PANGNGEBARANG 22:22

Teako pakarugi tu kasi-asia, kalanri lammana bawang; na punna ri pangadelang teako alle passai ha'na tu tenaya pakkullena.

PANGNGEBARANG 3:28

Teako suroi parannu tau attayang sa'genna ammuko, punna akkulle memanja anjo wattua nutulung.

YEREMIA 22:13

Cilakai tau ambangungai balla'na siagang tena naadele', kammayatompa ampa'la'bangi kajekkonganna. Cilakai tau assuroa anjama nampa tena nasarei gajina taua.

YEREMIA 22:3

“A'gau' adelekko siagang a'gau' lambusukko. Lappassangi tau nipaccoka battu ri kakoasanna tau papaccoka. Teako anjallakkangi yareka teako a'gau' ja'dalaki mae ri bansa maraeng niaka ammantang ri alla'nu, mae ri ana'-ana' kukanga, yareka mae ri jandaya. Teako bunoi tau tenaya salana ri anne tampaka.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

KAIMANGNGANG 25:14

Jari punna a'balukko tampa' mae ri parannu tu Israel, yareka ammalliko tampa' battu ri ia, teako jekkongi batenu anggaukangi anjo a'baluka siagang ammallia.

KAIMANGNGANG 25:17

Teako annipui mae ri parannu tu Israel, mingka paralluko malla' mae ri Batara, Allata'alanu.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

MATIUS 20:8

Ri karueng dudunamo, nakanamo anjo patanna koko ri mandoro' pajama-jamana, ‘Kio' ngasemmi anjo tau anjamaya. Massing bayara'mi gajina appakkaramula battu ri anjo kala'busang dudua antama' anjama sa'genna tau ri dallekang dudua antama'.’

MARKUS 10:19

Nuassemmi sikamma parentaNa Allata'ala angkanaya, ‘Teako ammunoi; teako a'gau' assalimarri; teako a'lukkaki; teako assa'bi balle-ballei; teako annipui; pakala'biriki manggenu siagang amma'nu.’ ”

LUKAS 3:13

“Teako la'bi batenu assingara' doe' sima situru' le'baka nipattantu.”

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

1 TIMOTIUS 5:18

Nasaba' nia' tattulisi' lalang ri Kittaka angkanaya, “Punna nipakei sapia appa'jeko takkulleai nijempang bawana”; kamma tomminjo, “Tau anjama-jamaya musti nagappai sawala'na”.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.