KAIMANGNGANG 18:4 - KITTA' MATANGKASA'

⁴ Turuki laloi hukkung-hukkungKu siagang gaukangi apa Kuparentakanga. INakke Karaeng Allata'alanu.

KAIMANGNGANG 18:4 ပူးပေါင်းရင်းမြစ်များ

PAMMUJI 105:45

sollanna mannuruki anjo umma'Na ri hukkung-hukkunNa na napinawang parenta-parentaNa. Nipujimi Batara!

PAMMUJI 119:4

Kisarei ikambe hukkunTa, o, Batara, sollanna nagaukang ikambe siagang pa'mai' tamamminra.

YEHEZKIEL 20:19

INakkemi Karaeng Allata'alanu. Turuki hukkung-hukkungKu siagang parenta-parentaKu.

YEHEZKIEL 36:27

LaKupantamaki RohKu antama' ri atinnu, siagang laKujagaiko sollannu attallasaka' situru' hukkung-hukkungKu kammayatompa nugaukang sikamma parentaKu.

YEHEZKIEL 37:24

Lanipa'jari se'rei ke'nanga irawangang parentana se'rea karaeng sangkammaya Karaeng Daud, ammarentaya satunggu-tungguna. Lamajarreki ke'nanga anturuki hukkung-hukkungKu. Nampa sa'genna satunggu-tungguna ke'nanga siagang jari-jarina ke'nanga lanapammantangngi anjo pa'rasanganga, iamintu pa'rasangang Kupassareanga mae ri Yakub siagang napammantangngia boe-boena ke'nanga.

KAIMANGNGANG 18:2

ampabattui mae ri bansa Israel anne parentaya angkana, “INakke Karaeng Allata'alanu.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

KAIMANGNGANG 19:19

Mannurukiko ri parenta-parentaKu. Teako appa'buntingi olo'-olo' tenaya nasangkamma. Teako a'lamungi ruang rupa lamungang ri se'rea butta. Teako ammakei pakeang battu ri ruang rupaya bannang nitannung.

KAIMANGNGANG 19:37

Turuki sikontu hukkungKu siagang parentaKu. INakke Batara.”

KAIMANGNGANG 20:22

Nakana Batara, “Turuki sikontu hukkungKu siagang parentaKu, sollanna tena nanibongkako battu ri pa'rasangang Kanaan, iamintu pa'rasangang Kutujua angngerangko anne kamma.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.