KAIMANGNGANG 18:20 - KITTA' MATANGKASA'

²⁰ Teako assikatinroangngi siagang bainenna tau maraenga; anjo panggaukang kammaya napa'jari ra'masakko.

KAIMANGNGANG 18:20 ပူးပေါင်းရင်းမြစ်များ

2 SAMUEL 11:27

Nampa le'ba'na kasusaanna, nasuro allemi Daud anjo bainea nanierang mange ri balla' kakaraenganga siagang nabaineammi. Siapa are bulang ribokoanganna allassukammi sitau ana' bura'ne. Mingka tena nasannang pa'mai'Na Batara mae ri anjo panggaukanna Daud.

KALAPPASSANG 20:14

Teako a'gau' salimaraki.

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

YEHEZKIEL 18:6

Tena nanynyomba ri barhalana tu Israel yareka tena nangnganre koro'bang nipassareanga ri tampa'-tampa' panynyombanga ri rewata-rewataya. Tale'bakai naodo' bainenna paranna tau yareka attinro siagang baine battua bulanna.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

ROMA 2:22

Nuajaraki taua sollanna tena nassalimara'; mingka kalennu a'gau' bawang! Birisikko mae ri barhalaya; mingka kalennu angngallei barang-barang niaka ri balla' barhalaya.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

GALATIA 5:19

Anjo ero'na sipa'-sipa' rupataua a'nyatai lalang ri panggaukang-panggaukang salimaraka, panggaukang ra'masaka, siagang panggaukang tenaya nasiratang;

PAOLE 22:22

Punna nia' bura'ne nirapikang assikatinroang siagang baine maraeng, musti nihukkung mate rua-ruai. Kammaminjo carana nanupaccappu'mo anjo kaja'dallang kammaya.

PAOLE 22:25

Mingka maraeng tongi passala'na punna nia' bura'ne ampassai se'rea tulolo untu' angngagangi assikatinroang ri se'reang koko nampa anjo tuloloa le'ba'mi nipa'bayuang siagang bura'ne maraeng. Punna kamma anjo passalaka, musti bura'neaji bawang nihukkung mate.

PAOLE 5:18

Teako a'gau' salimaraki.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.