KAIMANGNGANG 17:8 - KITTA' MATANGKASA'

⁸ Punna nia' tu Israel yareka bansa maraeng ammantang tulia ri alla'na tu Israel assare koro'bang nitunu yareka koro'bang maraengang

KAIMANGNGANG 17:8 ပူးပေါင်းရင်းမြစ်များ

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 17:7

Bansa Israel musti tamamminrayai mae ri Batara, siagang tena sikali-kali nakkulle anynyamballe ke'nanga olo'-olo' ri koko-kokoa untu' passare mae ri sikamma jing ja'dalaka. Anjo paratoranga musti nituruki sa'genna satunggu-tungguna.

KAIMANGNGANG 17:9

mae ri Batara, musti napassareangi ri dallekang pakke'bu' KemaNa Batara. Punna anjorengi ri tampa' maraenga napassareang, takkulleami nibilang anggota umma'Na Allata'ala.

KAIMANGNGANG 3:7

Punna nia' tau assare sikayu gimbala', musti naerangi mange ri KemaNa Batara.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

YOSUA 22:11

Nalangngere'mi tu Israel maraenga akkana julu bansana, “Le'ba'mi suku Ruben, Gad, siagang Manasye bageang irayaya ambangung se're tampa' pakkoro'bangngang ri Gelilot ri ampi'na Binanga Yordan lalang daerata.” Jari asse'remi ke'nanga ri Silo, ero' ambunduki suku-suku Israel ammantanga ri bageang rayanganna anjo Binanga Yordan.

YOSUA 22:15

Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.

YOSUA 22:16

Nampa lalang arenna sikontu umma'Na Batara, nakanamo ke'nanga mae ri suku Ruben, suku Gad siagang suku Manasye rayaya ri Gilead, “Angngapa nugaukangi anne panggaukang ja'dala' kammaya mae ri Allata'alana Israel? Lanri nubangunna anne tampa' pakkoro'bangngang kalennu, nuewami Batara! Tenamo nanuturuki parenta-parentaNa!

HAKING-HAKING 6:26

Nampa nupaenteng irateanganna se're tampa' pakkoro'bangngang ia le'baka nirancana baji'. Nampa nutunu akkayu anjo sapi lakia, untu' a'jari koro'bang mae ri Batara. Anjo bentenna barhala Dewi Asyera le'baka nurumbang, nupare' kayu tunuang.”

1 SAMUEL 10:8

Le'baki anjo musti a'lampako mange ri Gilgal nuttayang anjoreng tuju allo. Sallang labattua' untu' assare koro'bang nitunu siagang koro'bang pappasiama', nampa kupauangko apa musti lanugaukang.”

1 SAMUEL 16:2

Mingka akkuta'nammi Samuel angkana, “Antekamma musti kugaukanga? Punna nalangngere' anne passalaka Saul, ma'nassa nabunoa'!” Appialimi Batara angkana, “Angngerangko sikayu sapi rungka, siagang paui mae ri ra'yaka angkanaya niakko battu mange anjoreng untu' assare koro'bang mae ri Batara.

1 SAMUEL 7:9

Lanri kammana, ammolommi Samuel sikayu ana' gimbala' rungka, nampa nakoro'bangkang sipa'gang a'jari koro'bang nitunu untu' Batara. Le'baki anjo appala' doammi sollanna Natulung Batara tu Israel. Na nitarimamo pappala' doanna.