KAIMANGNGANG 17:15 - KITTA' MATANGKASA'

¹⁵ Sikamma tu Israelka yareka bansa maraeng angnganrea dageng mate kalenna, yareka mate nikokko' ri olo'-olo' sekke', musti nasassai pakeanna nampa a'je'ne' siagang attayang sa'genna labu alloa, nampami a'jari tangkasa'.

KAIMANGNGANG 17:15 ပူးပေါင်းရင်းမြစ်များ

KALAPPASSANG 22:30

kammayatompa sapia siagang gimbalaka, ia uru-urua lassu'. Lappassangi anjo olo'-oloka ammantang ri anronna lalanna tuju allo, nampa ri makasagantujuna alloa passareangi mae ri Nakke.

KALAPPASSANG 22:31

Ikau ngasemmi ummakKu; lanri kammana, manna olo'-olo' apa mamo punna nikanrei ri olo'-olo' sekke', takkulleai nukanre dagenna; passareangi anjo dagenga mae ri kongkonga.”

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

YEHEZKIEL 44:31

Jangang-janganga siagang olo'-olo' maraengannaya punna mate kalennai yareka mate nikokkoki ri olo'-olo' sekke', takkulleai sikamma imanga angkanrei.”

KAIMANGNGANG 11:24

Se'rea tau a'jari ra'masaki sa'genna labu alloa punna naseroi bakkena kalase'renna anne olo'-oloka: olo'-olo' niaka kanukunna pantaranganna a'mamaya siagang appangkaya kanukunna, siagang olo'-olo' appaka bangkenna na nia' pakkaere'na. Inai-nai angngerang bakke olo'-olo' kammaya anjo musti nasassai pakeanna, mingka ra'masa' iji sa'genna labu alloa.

KAIMANGNGANG 11:31

Inai-nai anseroi olo'-olo' kammaya anjo yareka naseroi bakkena a'jari ra'masaki sa'genna labu alloa.

KAIMANGNGANG 11:32

Punna tu'guru' anjo bakkena olo'-olo' kammaya ri se'rea apa-apa, a'jari ra'masaki anjo apa-apaya. Kammaminjo mae ri kayua, kaenga, kukkuluka yareka kaeng karung, manna pole nanipake untu' apa-apa mamo. Anjo barang-barang kammaya musti niammei lalang ri je'ne', mingka tuli ra'masa'na sa'genna labu alloa.

KAIMANGNGANG 11:39

Inai-nai anseroi bakke olo'-olo' hallalaka a'jari ra'masaki sa'genna labu alloa.

KAIMANGNGANG 11:40

Tau angngeranga yareka tau angnganrea bakke kammaya anjo musti nasassai pakeanna, mingka tuli ra'masa'na sa'genna labu alloa.

KAIMANGNGANG 15:10

Inai-nai anseroi bate pammempoanna anjo taua, a'jari ra'masaki sa'genna labu alloa. Inai-nai angngangkaki anjo bate pammempoanna musti nasassai pakeanna siagang a'je'neki, siagang a'jari ra'masaki sa'genna labu alloa.

KAIMANGNGANG 15:21

Inai-nai anseroi bate pammempoanna yareka bate katinroanna baine battua bulanna, musti nasassai pakeanna siagang a'je'neki, kammayatompa ra'masaki sa'genna labu alloa.

KAIMANGNGANG 15:5

Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

KAIMANGNGANG 22:8

Tena nipa'biangi angnganre dageng olo'-olo' mate kalenna yareka mate nikokko' ri olo'-olo' sekke'. Punna nakanrei, a'jari ra'masaki. INakke Batara.

KAIMANGNGANG 7:24

Jannana olo'-olo' mate kale-kalea yareka mate nikokkoka ri olo'-olo' sekke', takkulleai nikanre mingka akkullei nipake untu' kaparalluang maraeng.

PAMMILANGNGANG 19:19

Musti napiracciki ri allo makatallua siagang ri allo makatujua. Ri anjo allo makatujua le'ba'mi anjo allo pannangkasinna anjo tau ra'masaka. Anjo taua musti nasassai pakeanna siagang musti a'je'neki. Appakkaramula ri wattu labuna alloa a'jari tangkasa'mi.

PAMMILANGNGANG 19:21

Anjo paratoranga nipakei untu' satunggu-tungguna. Anjo tau ampiraccikiai anjo je'ne' upacaraya musti nasassa tongi pakeanna, siagang anjo tau natabaya anjo je'neka a'jari ra'masaki sa'genna labu alloa.

PAMMILANGNGANG 19:8

Anjo tau antunuai anjo sapia musti nasassa tongi pakeanna siagang musti a'je'neki; ia ra'masa' tongiji sa'genna labu alloa.

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.