KAIMANGNGANG 17:10 - KITTA' MATANGKASA'

¹⁰ Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 17:10 ပူးပေါင်းရင်းမြစ်များ

PA'JARIANG 9:4

Tena ruanna takkullea nukanre, iamintu dageng niaka ija cera'na, nasaba' anjo nyawaya niaki lalang ri ceraka.

2 SAMUEL 23:17

Nampa nakana, “O, Batara, takkullea' angnginungi anne je'neka! Punna kuinungi, kammai kusa'ring angnginunga' cera'na tau le'baka ansaungi nyawana ke'nanga!” Jari tena sikali naero' Daud angnginungi. Iaminjo jasa-jasana anjo tallua pejuang barania.

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

KALAPPASSANG 30:33

Tau appareka minynya' kamma anjo, yareka napakei untu' tau teai imang, tenamo nalanibilang anggota ummakKu.”

YEREMIA 21:10

Le'ba'mi Kupattantu angkana laKuancuruki anne kotaya, siagang tena naKupassayangi. Anne kotaya laKupassareangi mae ri karaeng Babel; lanatunui sa'genna cappu' taba sikali. INakke, Batara, anne akkana.”

YEREMIA 44:11

Lanri kammana anjo, iNakke, Batara Kaminang Koasaya, Allata'alana Israel ambaliangko siagang angngancuruki sikontu Yehuda.

YEHEZKIEL 14:8

INakke langngewai ke'nanga siagang Kupa'jari contoi mae ri maraengannaya. LaKupakabellai ke'nanga battu ri ummakKu, jari naassemmi ummakKu angkanaya iNakke Batara.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

YEHEZKIEL 33:25

Lanri kammana Nasuroa' Batara Kaminang Tinggia ampabattui anne pasanNa mae ri ke'nanga angkana, “Angnganreko dageng niaka ija cera'na; nusombai barhalaya siagang nugaukangi ammunoa. Barani tojengko angngani anne buttaya angkana ikau pata.

YEHEZKIEL 44:7

Le'ba'mi ke'nanga anra'massi BallakKu, nasaba' lalang nipassareanna mae ri Nakke jannana siagang cera'na koro'banga, napa'biangi ke'nanga antama sikamma bansa maraeng tenaya nassunna', siagang tena namannuruki ri Nakke. Lanri anjo sikamma panggaukanna ke'nanga appakaringi'-ringika, nadakkaimi parjanjiangKu siagang ke'nanga.

KAIMANGNGANG 17:11

Nyawana sikamma apa attallasaka niaki lalang ri cera'na. Lanri kammana anjo Naparentakangi Batara sollanna sikontu ceraka nipatiriki irate ri tampa' pakkoro'bangnganga sollanna nitangkasi dosa-dosana ummaka. Ceraka iamintu nyawaya, antangkasi dosaya.

KAIMANGNGANG 19:26

Teako angnganrei cera'. Teako ammakei pangngassengang baca-baca.

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

AMOS 9:4

Punna nitahangi ke'nanga ri musua, laKuparentakangi sollanna nibuno ke'nanga. Le'ba' Kupattantumi laKupanraki ke'nanga, siagang tena nalaKubantu ke'nanga.”

LAMPA-LAMPANA 15:20

Mingka musti apparekki' sura' mae ri ke'nanga, na nipakainga' ke'nanga sollanna tena nanakanre ke'nanga kanre ra'masaka, iamintu kanre le'baka nipassareang mae ri barhalaya; kammayatompa ceraka, yareka olo'-olo' mate niaccekanga. Kammayatompa napakabellai kalenna ke'nanga battu ri panggaukang assalimaraka.

LAMPA-LAMPANA 15:29

teako angnganrei kanre le'baka nipassareang mae ri barhalaya; teako angnganrei cera', teako angnganrei olo'-olo' mate niaccekanga, siagang pakabellai kalennu ri gau'-gau' assalimaraka. Punna nupakabella ngasemmo kalennu ri apa-apa kammaya anjo, nugaukammi nikanaya kabajikang. Sikammamo anne, poro salama' ngasengko!”

PAOLE 12:16

Mingka cera'naji bawang takkullea nukanre, passangalinna musti nutumpai naung ri buttaya sangkamma je'ne'.

PAOLE 12:23

Mingka dageng niaka ija cera'na takkulleai nukanre, lanri anjo nyawaya niaki lalang ceraka, nampa takkulleako angkanrei nyawaya siagang dagenna.

PAOLE 15:23

Cera'na takkulleai nukanre, mingka musti nutumpai naung ri buttaya sangkamma je'ne'.”

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

1 SAMUEL 14:32

sa'genna a'rampasa'mi ke'nanga angngallei apa-apa nirampasaka battu ri musua. Angngallei ke'nanga gimbala' siagang sapi nampa napolong anjoreng memang ri tampaka, nampa nakanre memang dagenna niaka ija cera'na.

1 SAMUEL 14:33

Na nipauammo Saul anjo kammaya, angkana, “Karaeng, dorakami ra'yaka mae ri Batara, lanri angnganrei dageng siagang cera'na.” Ammarrammi Saul angkana, “Tau tena ngaseng pallangngere'nu! Anggulungko se're batu lompo mae anrinni.”