KAIMANGNGANG 16:8 - KITTA' MATANGKASA'

⁸ Anjoreng musti ammuangi loterei siagang rua batu; se'rea nisarei pammatei “untu' Batara”, na se'reanga nisarei pammatei “Azazel”.

KAIMANGNGANG 16:8 ပူးပေါင်းရင်းမြစ်များ

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

YEHEZKIEL 48:29

Nakana Batara Kaminang Tinggia, “Kammami anjo carana nibage-bage buttaya mae ri suku-suku Israel.”

KAIMANGNGANG 16:10

Bembe nipilea untu' Azazel musti niboli' attallasaki ri dallekanNa Batara nampa nibongka mange ri parang lompoa untu' Azazel, sollanna nitangkasi dosa-dosana umma' Israel.

KAIMANGNGANG 16:26

Anjo tau allappassangiai bembea untu' Azazel ri parang lompoa musti nasassai pakeanna siagang a'je'neki ri wattu tenanapa nammotere' mange ri pakkemaanga.

KAIMANGNGANG 16:7

Anjo ruaya bembe laki battu ri umma' Israel musti naerangi mange ri dallekang pakke'bu' KemaNa Batara.

KAIMANGNGANG 16:9

Bembe nipilea untu' Batara musti nipassareangi untu' koro'bang pammopporang dosa.

YUNUS 1:7

Wattunna nai'mo Yunus siagang anjo juraganga, massing nakanamo para ia anjo ana'-ana' kappalaka, “Umba nanigoccangi arenga sollanna naniassengi angkana inai sala sa'genta nituju ri anne balaya!” Nagoccammi arenna ke'nanga, na arennamo Yunus nai'.

PAMMILANGNGANG 33:54

Nampa musti nubage a'jari pisakanu; carana nubage iamintu nugoccangi sangkamma loterei. Untu' golongang bija lompoa musti lompo tongi bageanna, nampa mae ri golongang bija ca'dia musti ca'di tongi bageanna.