KAIMANGNGANG 16:5 - KITTA' MATANGKASA'

⁵ Nampa umma' Israel musti napassareangi mae ri Harun ruang kayu bembe laki untu' koro'bang pammopporang dosa siagang sikayu gimbala' laki untu' koro'bang nitunu.

KAIMANGNGANG 16:5 ပူးပေါင်းရင်းမြစ်များ

2 PATTOTTORANG 29:21

Angngerangi ke'nanga untu' koro'bang pammopporang dosana kaluargana karaenga siagang ra'ya' Yehuda siagang untu' antangkasi Balla'Na Batara, iamintu 7 kayu sapi laki, 7 kayu gimbala' laki, 7 kayu ana' gimbala', siagang 7 kayu bembe. Nasuroi karaenga sikamma imang-imang jari-jarina Harun ampassareangi anjo olo'-oloka irate ri tampa' pakkoro'bangnganga untu' a'jari koro'bang nitunu.

EZRA 6:17

Lalang anjo wattua assaremi ke'nanga passare mae ri Batara, iamintu 100 kayunna sapi laki, 200 kayunna gimbala' laki, siagang 400 kayunna ana' gimbala'. Na untu' koro'bang ri nipammopporanna dosaya nipassareang tommi sampulo anrua bembe laki, tassikayu massing tasse'rea suku Israel.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 4:3

Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

KAIMANGNGANG 8:14

Le'baki anjo angngallemi Musa sikayu sapi laki rungka untu' koro'bang pammopporang dosa. Harun siagang sikamma ana'na napadongkoki ke'nanga limanna ri tompo' ulunna anjo olo'-oloka.

KAIMANGNGANG 8:2

“Kioki Harun siagang sikamma ana'na siagang erangi pakeang imanga, minynya' upacaraya, sikayu sapi laki rungka untu' koro'bang pammopporang dosa, ruang kayu gimbala' laki siagang sibaku' roti tenaya nammake pa'gambang.

KAIMANGNGANG 9:2

Nakanamo Musa mae ri Harun, “Angngalleko sikayu sapi laki rungka siagang sikayu gimbala' laki, rua-ruana tena ngaseng callanna. Passareangi anjo ruaya olo'-olo' mae ri Batara; anjo sapi lakia untu' koro'bang pammopporang dosa, nampa anjo gimbala' lakia untu' koro'bang nitunu.

PAMMILANGNGANG 29:11

Passareang tongi sikayu bembe laki untu' upacara pammopporang dosana ummaka, pantaranganna koro'bang pammopporang dosaya siagang koro'bang nitunu tunggala' alloa kammayatompa koro'bang nipatala siagang koro'bang je'ne' anggoro'na nipassareanga anjo alloa.

ROMA 8:3

Apa tenaya nakkulle nagaukang hukkung-hukkung agamaya, lanri lammana batangkalenta ikatte rupataua, iaminjo le'ba' Nagaukang Allata'ala. Le'ba'mi Nabeta Allata'ala koasana dosaya lalang ri sipa'na rupataua; iamintu lalang Nasurona battu Ana' KalenNa, le'bakamo battu sanrapang rupatau dorakaya, sollanna Natangkasi dosa-dosata.