KAIMANGNGANG 16:29 - KITTA' MATANGKASA'

^29-31 Anne paratorang-paratoranga musti nituruki sa'genna satunggu-tungguna. Ri tanggala' sampulo bulang tuju, tu Israel siagang bansa maraeng ammantang tulia ri alla'na ke'nanga musti appuasai siagang tanipa'biangai anjama, nasaba' anjo alloa iamintu allo teai sipato' matangkasa'na. Anjo alloa musti nigaukangi upacaraya untu' antangkasi bansa Israel battu ri sikontu dosana ke'nanga sollanna a'jari matangkasa'.

KAIMANGNGANG 16:29 ပူးပေါင်းရင်းမြစ်များ

1 KARAENG-KARAENG 8:2

Jari battu ngasemmi ke'nanga ri Allo Lompo Pa'ballakang Leko'-leloka, lalang ri bulang Etanim.

EZRA 3:1

Ri bulang tuju, nia'mi tu Israel massing ammantang ri kota-kotana. Ri tanggala' se're anjo bulanga a'rappungammi ke'nanga ri Yerusalem.

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

PAMMUJI 35:13

Ri wattunna garring ke'nanga, si'nai pa'maikku kutangnganrea; appala' doanga', kupadundu ulungku,

PAMMUJI 69:10

Sanna' lompona sumangakku lanri mangngaiku ri BallatTa, paccau-cauna tau anghinayaKi' natujui kalengku.

KALAPPASSANG 12:16

Ri allo makase'rea, kammayatompa ri allo makatujua, musti a'rappungangko untu' anggaukangi ibadanu. Anjo alloa takkulleako anggaukangi sikamma jamanga pantaranganna untu' appasadiaya kanre.

KALAPPASSANG 20:10

mingka allo makatujua iamintu allo pammari-mariang ia nisa'laka untu' iNakke. Anjo alloa manna sitau takkulleai anjama, baji' naikau, kammayatompa ana'-ana'nu, ata-atannu, olo'-olo'nu yareka tau annompanga lalang ri pa'rasangannu.

KALAPPASSANG 30:10

Tassikali sitaung Harun musti nagaukangi upacara annangkasi tampa' pattunuang dupa; carana iamintu napiracciki anjo appaka tanru'na siagang cera'na anjo olo'-olo' nikoro'bangkanga untu' nipammopporanna dosaya. Anjo kammaya musti nigaukangi tunggala' taung sa'genna satunggu-tungguna. Anjo tampa' pattunuang dupaya musti tangkasa' kabusuki siagang nisa'laki untu' iNakke.”

KALAPPASSANG 31:14

Musti nupakalompoi anjo Allo Pammari-marianga a'jari allo matangkasa'. Kusareko annang allo untu' anjama, mingka allo makatujua iami allo lompo nisa'laka untu' iNakke. Inai-nai tena napakalompoi, mingka anjamai ri anjo alloa, musti nihukkung matei.

YESAYA 58:13

Nakana Batara, “Pakalompoi allo Pammari-marianga, a'jari allonNa Batara. Teako urusuki kaparalluang kalennu ri anjo alloa. Pakalompoi anjo alloa a'jari allo mate'ne; pakalompoi anjo allonNa Batara iamintu teako a'lampai; teako anjamai yareka a'bicara tenaya matu-matunna.

YESAYA 58:3

Akkuta'nangi anjo bansaya angkana, “Apa matu-matunta taua appuasa punna tena Naciniki Batara? Apa matu-matunta nipakatuna kalenta punna tena Naparhatikangki'?” Nakanamo Batara, “Sikontutojenna, lalang appuasanu, nuboyami kaparalluang kalennu na nupacco' sikamma tungnganre gajinu.

YESAYA 58:5

Punna appuasako, nusessai kalennu; nupadundui ulunnu rapang ruku' ta'layuka. Akka'rangko kaeng karung nampa nukiori au, nampa attinroko rateanna. Iakaminjo nukanaya appuasa? Nukapangi angkana sannangi nyawaKu ancini' anjo panggaukang kammaya?

DANIEL 10:12

Nampa nakana ri nakke, “Daniel, teako mallakki. Nalangngere'mi Allata'ala pappala' doannu appakkaramula ri nutappukinna untu' ampakatunai kalennu sollannu a'jari cara'de'. Battuma' anne a'jari pappiali mae ri pappala' doannu.

DANIEL 10:3

Lalang anjo sikammaya sallona tena nakungnganre kanre nyamang siagang dageng; tena kungnginung anggoro', siagang tena todong kujangkai uukku.

KAIMANGNGANG 23:21

Ri anjo alloa musti asse'reko untu' anggaukangi ibadaya siagang takkulleako anggaukangi jama-jamang battalaka. Anjo paratoranga musti nituruki ri jari-jarinu sa'genna satunggu-tungguna, manna pole kemae ke'nanga ammantang.

KAIMANGNGANG 23:3

Annang allo sallona taua anjama, mingka ri allo makatujua, iamintu Allo Pammari-marianga, iami allo pammari-mariang nisa'laka untu' mae ri Batara. Ri anjo alloa musti apparekko passibuntulang untu' asse're anggaukangi ibadaya siagang takkulleako anjama.

KAIMANGNGANG 25:9

Nampa ri tanggala' sampulo bulang tuju, iamintu allo nipammopporanna dosaya, suroi taua appasa'ra tarompe' ri kere-kere mae ri sikontu pa'rasanganga.

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

PAMMILANGNGANG 29:7

Ri tanggala' sampulo bulang tuju musti asse're ngasengko untu' anggaukangi ibadaya. Anjo alloa musti appuasako siagang takkulleako anjama.

LAMPA-LAMPANA 27:9

Anjo wattua allalomi Allo Lompo Passiamakkanna tu Yahudia. Jai sikalimi wattu tappela', sa'genna tabajikami nisa'ring wattua assombala'. Jari nipakainga'mi ke'nanga ri Paulus, angkana,

1 KORINTUS 11:31

Punna nukatutui anne passalaka, tenamo nalangngerang hukkungang battu ri Allata'ala anjo pa'rappungang sambayannu.

IBRANI 4:10

Nasaba' anjo tau antamaya ri tampa' pammari-mariang Napa'janjianga Allata'ala ri ia, lammari-mari tommi battu ri sikontu jama-jamanna, sangkamma Allata'ala.

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)