KAIMANGNGANG 16:2 - KITTA' MATANGKASA'

² “Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

KAIMANGNGANG 16:2 ပူးပေါင်းရင်းမြစ်များ

1 KARAENG-KARAENG 6:16

Ilalang ri anjo ballaka, nipareki kamara' bageang ri bokona iamintu nisarei rinring passimbang battu ri kayu camara, appakkaramula battu ri dapara'na sa'genna ri palaponna. Anjo kamaraka niarengi Kamara' Kaminang Matangkasa'; la'buna salapang metere'.

1 KARAENG-KARAENG 8:6

Le'baki anjo naerammi sikamma imanga anjo Patti Parjanjianga antama' ri Balla'Na Batara nampa naboli' irawanganna patung-patung malaeka' akka'nyika lalang ri Kamara' Kaminang Matangkasaka.

KALAPPASSANG 30:10

Tassikali sitaung Harun musti nagaukangi upacara annangkasi tampa' pattunuang dupa; carana iamintu napiracciki anjo appaka tanru'na siagang cera'na anjo olo'-olo' nikoro'bangkanga untu' nipammopporanna dosaya. Anjo kammaya musti nigaukangi tunggala' taung sa'genna satunggu-tungguna. Anjo tampa' pattunuang dupaya musti tangkasa' kabusuki siagang nisa'laki untu' iNakke.”

KAIMANGNGANG 16:13

Anjo dupaya musti natunui ri dallekanna Patti Parjanjianga, sa'genna natongko' anjo pa'rangka'na Patti Parjanjianga siagang umbunna siagang takkullea nacini' Harun, nasaba' punna naciniki, tena tamatena.

KAIMANGNGANG 16:34

Anjo upacaraya musti nigaukangi sikali sitaung untu' ampakatangkasaki bansa Israel battu ri sikontu dosana ke'nanga. Iaminjo paratorang-paratorang mustia nituruki sa'genna satunggu-tungguna. Nagaukammi Musa situru' anjo apa Naparentakanga Batara mae ri ia.

KAIMANGNGANG 8:35

Lalang tuju allo, allo bangngi, musti ammantang ngasengko ri dallekang pakke'bu'na Kemaya untu' anggaukangi apa Naparentakanga Batara. Punna tena nugaukangi, lamate ngasengko. Iaminjo Naparentakanga Batara mae ri nakke.”

PAMMILANGNGANG 17:10

Nampa Nakanamo Batara mae ri Musa, “Padongkoki ammotere' takkanna Harun ri dallekanna Patti Parjanjianga. Anjo takkanga musti niboliki salaku pappiu'rangi mae ri tu Israel nangaia angngewa, sollanna mate ke'nanga punna tena nammari a'moro-moro.”

PAMMILANGNGANG 18:7

Mingka ikauji bawang siagang sikamma ana'nu akkulle anggaukangi tugasa' imanga, lalang sikontu jama-jamang niaka passisambunganna siagang tampa' pakkoro'bangnganga kammayatompa apa-apa niaka lalang ri Kamara' Kaminang Matangkasaka. Iaminjo tanggong jawa'nu, lanri le'ba' mako Kusare empoang salaku imang. Sikamma tau tenaya ha'na lanihukkungi punna nareppesi anjo barang-barang matangkasaka.”

PAMMILANGNGANG 4:5

Napassareangi Batara mae ri Musa paratorang kammaya anne: Punna narapi'mo wattunna nubongkara' pakkemaanga, Harun siagang ana'-ana'na musti antamaki ri KemaNa Batara, ampanaungi gordenga ri dallekanna Patti Parjanjianga, nampa narangka' anjo Pattia siagang anjo kaenga.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

IBRANI 9:25

Taung-taungi Imang lompona tu Yahudia antama' ri Kamara' Kaminang Matangkasaka lalang ri Balla'Na Batara. Antamaki angngerang cera'na sikayua olo'-olo'. Mingka antamaki Almasi angkoro'bangkangi KalenNa tena nauntu' a'mole-mole.

IBRANI 9:3

Bageang lalanganna, iamintu ri bokona gordeng makaruaya, nia' kamara' niarenga Kamara' Kaminang Matangkasaka.

IBRANI 9:5

Irateanganna anjo Pattia nia' rua patong malaeka' akka'nyika, a'jaria pangngebarang ri kahaderanNa Allata'ala. Anjo ruaya ka'nyi'na patung malaekaka tassungkei irateanganna anjo pattongko' Pattia, iamintu tampa' pammopporanna dosa-dosaya. Mingka takkullea ngasengi anjo sikammaya nipakasingara' apa battuanna sa'genna a'jari singara' tojeng-tojeng.

PAPPICINI' 15:8

Jari rassimi Balla'Na Allata'ala siagang umbu kala'biranNa siagang kakoasanNa Allata'ala. Siagang ilalang tenanapa nacappu' anjo tujua bala, iamintu bala naeranga anjo tujua malaeka', tena manna sitau akkulle antama' ri Balla'Na Allata'ala.