KAIMANGNGANG 16:13 - KITTA' MATANGKASA'

¹³ Anjo dupaya musti natunui ri dallekanna Patti Parjanjianga, sa'genna natongko' anjo pa'rangka'na Patti Parjanjianga siagang umbunna siagang takkullea nacini' Harun, nasaba' punna naciniki, tena tamatena.

KAIMANGNGANG 16:13 ပူးပေါင်းရင်းမြစ်များ

KALAPPASSANG 25:21

Padongkoki anjo ruaya batu lalang ri anjo pattia siagang patabai anjo pattongko'na irateanganna.

KALAPPASSANG 28:43

Anjo saluaraka musti tuli napakei ke'nanga punna antama' ri KemaKu yareka nareppesi tampa' pakkoro'bangnganga untu' anggaukangi ibadaya salaku imang ri Kamara' Matangkasaka, sollanna tena namate ke'nanga lanri kacinikangi bageang kalenna tenaya nasiratang nicini'. Anjo paratoranga tuli nipakei untu' Harun siagang jari-jarina.”

KALAPPASSANG 30:1

Nakanamo pole Batara ri Musa, “Apparekko battu ri kayu akasia se're tampa' pattunuang dupa.

KAIMANGNGANG 22:9

Sikontu imanga musti naturuki paratorang-paratorang Kupassareanga. Punna tena, salai ke'nanga siagang tena tamatena, lanri nadakkai ke'nanga anjo paratorang-paratorang matangkasaka. INakke Batara, siagang iNakke ansa'laki ke'nanga untu' KalengKu.

PAMMILANGNGANG 16:18

Jari tunggala' taua angngerammi tampa' pepe', nabonei bara pepe' siagang dupa, nampa ammenteng ri pakke'bu' KemaNa Batara siagang Musa na Harun.

PAMMILANGNGANG 16:46

nampa nakana Musa mae ri Harun, “Allei tampa' pepe'nu, bonei siagang bara pepe' battu ri tampa' pakkoro'bangnganga siagang bonei dupa irateanna. Erangi linta' mae ri ummaka siagang gaukangi upacara pammopporang dosaya untu' ke'nanga. Lintakko! A'rinrami larroNa Batara siagang appakkaramulami garringa.”

PAMMILANGNGANG 4:15

Nakana Batara mae ri Musa siagang Harun, “Ri wattunna nubongkara' pakkemaanga, Harun siagang ana'na musti antamaki ri KemaKu na narangka' ngaseng sikontu barang-baranga siagang pakkakasa' niaka anjoreng. Nampami punna le'baki anjo, akkullemi tu Kehat battu untu' ambuleki. Mingka takkulleai ke'nanga anciniki, anreppesi yareka anseroi anjo barang-baranga, lanri le'ba'namo nisa'la' anjo barang-baranga untu' iNakke. Punna nagaukangi ke'nanga anjo kammaya, mattantu matei ke'nanga. Jari, sollanna natena nacappu' anjo tu Kehat battu ri suku Lewi, Harun siagang ana'-ana'na musti ansarei tugasa' ke'nanga angkanaya apa massing naerang anjo ke'nanga. Iaminjo tugasa'na tu Kehat ri wattunna nipalette' KemaKu. Eleazar, ana'na Harun tanggong jawa' mae ri sikontu KemaKu, minynya' lampua, dupaya, koro'bang gandung tuli nipatalaya, minynya' upacara siagang sikontu apa niaka ilalang ri anjo KemaKu.”

PAOLE 33:10

Naajaraki ummatTa anturuki hukkunTa, siagang assare koro'bang irate ri tampa' pakkoro'bangnganTa.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.