KAIMANGNGANG 16:10 - KITTA' MATANGKASA'

¹⁰ Bembe nipilea untu' Azazel musti niboli' attallasaki ri dallekanNa Batara nampa nibongka mange ri parang lompoa untu' Azazel, sollanna nitangkasi dosa-dosana umma' Israel.

KAIMANGNGANG 16:10 ပူးပေါင်းရင်းမြစ်များ

KAIMANGNGANG 14:7

Imanga musti napiracciki anjo tau ammolleamo siagang cera'na anjo jangang-janganga sa'genna pintuju; le'baki anjo nibilang tangkasa'mi anjo taua.

KAIMANGNGANG 16:8

Anjoreng musti ammuangi loterei siagang rua batu; se'rea nisarei pammatei “untu' Batara”, na se'reanga nisarei pammatei “Azazel”.

KAIMANGNGANG 16:9

Bembe nipilea untu' Batara musti nipassareangi untu' koro'bang pammopporang dosa.

ROMA 3:25

Nakoro'bangkangi Allata'ala anjo Isa Almasi; sollanna, lanri kamateanNa anjo Isa Almasi, nilappassammi rupataua battu ri dosa-dosana, punna tappa'ja ke'nanga mae ri Isa Almasi. Nagaukammi Allata'ala kammaya anjo, lanri eroki Napappicinikang kaadelanNa. Nasaba' ri wattu allaloa, Nasa'barrammi Allata'ala dosa-dosana rupataua, sa'genna tena naNahukkungi ke'nanga.

ROMA 4:25

Anjo Isa le'ba'mi nipassareang untu' nibuno passabakkang dosa-dosata; nampa nipattallasa' poleang ammotere' ri Allata'ala, sollanta nisare oloang assibajiki ammotere' siagang Allata'ala.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

1 YOHANES 3:16

Battu ri kammanami anne naniassemmo antekamma bateta angkamaseangi paranta tau. Le'ba'mi Napassareang katallassanNa Almasi untu' ikatte. Lanri kammana, musti nipassareang tongi katallassanta untu' sikamma paranta tau!