KAIMANGNGANG 15:5 - KITTA' MATANGKASA'

^5-8 Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

KAIMANGNGANG 15:5 ပူးပေါင်းရင်းမြစ်များ

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

PAMMUJI 51:2

ri le'ba'na nipakainga' ri Na'bi Natan lanri a'gau' salimara'na siagang Batsyeba.

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

KALAPPASSANG 19:10

Kamma-kamma anne buntulimi ke'nanga, siagang suromi ke'nanga anne alloa siagang ammuko ampasadiai kalenna untu' anggaukangi ibadana. Musti nasassai pakeanna ke'nanga.

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

YESAYA 22:14

Napa'nyatai KalenNa Batara Kaminang Tinggia siagang Kaminang Makoasaya mae ri nakke, na nakana, “Tojeng, anjo kaja'dallanna ke'nanga tena nalaKupammopporang sa'genna mate ke'nanga. INakke, Batara, anne le'ba' akkana kamma.”

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YEHEZKIEL 36:29

LaKupakabebasakko battu ri sikontu kara'massannu. LaKuparentakangi gandunga sollanna coppong timbona sa'gennu talanatujuamo kacipurang.

KAIMANGNGANG 11:24

Se'rea tau a'jari ra'masaki sa'genna labu alloa punna naseroi bakkena kalase'renna anne olo'-oloka: olo'-olo' niaka kanukunna pantaranganna a'mamaya siagang appangkaya kanukunna, siagang olo'-olo' appaka bangkenna na nia' pakkaere'na. Inai-nai angngerang bakke olo'-olo' kammaya anjo musti nasassai pakeanna, mingka ra'masa' iji sa'genna labu alloa.

KAIMANGNGANG 11:32

Punna tu'guru' anjo bakkena olo'-olo' kammaya ri se'rea apa-apa, a'jari ra'masaki anjo apa-apaya. Kammaminjo mae ri kayua, kaenga, kukkuluka yareka kaeng karung, manna pole nanipake untu' apa-apa mamo. Anjo barang-barang kammaya musti niammei lalang ri je'ne', mingka tuli ra'masa'na sa'genna labu alloa.

KAIMANGNGANG 13:34

Ri makatujuna alloa, imanga musti naparessai ammotere'. Punna tenaja na'la'bang anjo garrinna, siagang anjo bageang pa'risika tena nala'bi lantang na bukkuleng niaka ri ampi'na, anjo taua musti nipaui angkanaya tangkasaki siagang musti nasassai pakeanna.

KAIMANGNGANG 13:6

Ri makatujuna pole alloa musti naparessai pole imanga anjo taua; na punna a'jari piamo anjo garringa siagang tenaja na'bakka', musti napaui imanga angkana tangkasa'mi anjo taua. Anjo garrinna taua teaiji garring sala. Anjo taua musti nasassai pakeanna nampa a'jari tangkasa'.

KAIMANGNGANG 14:27

nampa naparacci' siagang lima kananna anjo minynyaka pintuju lalang ri KemaNa Batara.

KAIMANGNGANG 15:18

Punna le'baki assikatinroang, baji' bura'ne kammayatompa bainea, musti a'je'neki, mingka tuli ra'masa'na sa'genna labu alloa.

KAIMANGNGANG 15:4

Tampa' le'baka napammemmpoi siagang nakatinroi anjo taua a'jari ra'masaki.

KAIMANGNGANG 16:26

Anjo tau allappassangiai bembea untu' Azazel ri parang lompoa musti nasassai pakeanna siagang a'je'neki ri wattu tenanapa nammotere' mange ri pakkemaanga.

KAIMANGNGANG 16:28

Tau antunuai musti nasassai pakeanna siagang a'je'neki ri wattu tenanapa nammotere' ri pakkemaanga.

KAIMANGNGANG 17:15

Sikamma tu Israelka yareka bansa maraeng angnganrea dageng mate kalenna, yareka mate nikokko' ri olo'-olo' sekke', musti nasassai pakeanna nampa a'je'ne' siagang attayang sa'genna labu alloa, nampami a'jari tangkasa'.

PAMMILANGNGANG 19:10

Anjo tau ampasse'reai anjo auna sapia musti nasassai pakeanna, mingka ra'masa' iji sa'genna labu alloa. Anne paratoranga nipakei sa'genna satunggu-tungguna, baji' mae ri tu Israel kammayatompa mae ri bansa maraeng ammantang tulia ri tangnga-tangngana ke'nanga.

PAMMILANGNGANG 19:22

Barang naseroa anjo tau ra'masaka a'jari ra'masaki, siagang tau maraeng asseroai a'jari ra'masa' tongi sa'genna labu alloa.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.

IBRANI 9:26

Nasaba' punna a'mole-molei Nagaukang kammaya, tantu a'mole-molemi Napisa'ringi sessaya baku' nipa'jarina linoa. Mingka a'nassami angkanaya ri anne kala'busang jammanga, battumi sikaliji bawang angkoro'bangkangi KalenNa sollanna Natangkasi dosaya.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.

1 SAMUEL 20:26

Mingka anjo alloa tena nasero kanai Saul anjo passalaka, nasaba' napikkiriki angkana, “Gassingka nia' tamangngapa-apana sa'genna tena natangkasa' kalenna situru' atorang agamaya.”