KAIMANGNGANG 15:13 - KITTA' MATANGKASA'

¹³ Punna a'jari baji'mo anjo taua, musti attayangi pole tuju allo. Le'baki anjo musti nasassai pakeanna siagang a'je'neki ri timbuseng je'neka, na'jari tangkasa'.

KAIMANGNGANG 15:13 ပူးပေါင်းရင်းမြစ်များ

KALAPPASSANG 29:35

Anjo upacara palantikanna Harun siagang ana'-ana'na musti tuju alloi nigaukang, kamma le'baka Kuparentakang mae ri kau.

KALAPPASSANG 29:37

Gaukangi anjo kammaya tunggala' allo lalang tuju allo sallona. Jari kabusu'na anjo tampa' pakkoro'bangnganga a'jari matangkasa'mi; apa-apa mamo anseroai anjo tampa' pakkoro'bangnganga musti nipassareangi mae ri Batara, siagang inai-nai anseroi, lanitujui ri bala lanri kagassingang matangkasa'na.”

YEREMIA 33:8

LaKutangkasi ke'nanga battu ri dosa-dosana, ia le'baka nagaukang ke'nanga mae ri Nakke; laKupammopporangi dosa-dosana siagang kadorakanna ke'nanga.

KAIMANGNGANG 14:10

Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 14:8

Nampa anjo jangang-jangang attallasaka ija musti nalappassangi ri paranga. Nampa anjo taua musti nasassai pakeanna, nacukkuru' ngasengi uu'na, siagang a'je'neki. Jari tangkasa'mi anjo taua siagang akkullemi antama' ri pakkemaanga, mingka lalanna tuju alloa pole takkulleapi antama' ri kema kalenna.

KAIMANGNGANG 15:28

Punna ammarimo nalari cera', musti attayangi anjo bainea lalang tuju allo pole. Le'bappi anjo nampa tangkasa'.

KAIMANGNGANG 15:5

Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

KAIMANGNGANG 8:33

Lalang tuju allo takkulleako ambokoi KemaNa Batara sa'genna le'ba' anne upacara pallantikannu.

KAIMANGNGANG 9:1

Siallo ri le'ba'namo anjo upacara pallantikanga, iamintu ri allo makasagantujua, nakio'mi Musa anjo Harun siagang sikamma ana'na kammayatompa sikontu pamimpinna tu Israel.

PAMMILANGNGANG 12:14

Appialimi Batara angkana, “Ebara' angkana nipi'rui rupanna ri manggena, sai a'jari siriki sa'genna tuju alloa? Pakabellai battu ri pakkemaanga lalang tuju allo sallona; nampa punna le'ba'mo anjo akkullemi ammotere' antama.”

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.