KAIMANGNGANG 14:7 - KITTA' MATANGKASA'

⁷ Imanga musti napiracciki anjo tau ammolleamo siagang cera'na anjo jangang-janganga sa'genna pintuju; le'baki anjo nibilang tangkasa'mi anjo taua.

KAIMANGNGANG 14:7 ပူးပေါင်းရင်းမြစ်များ

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”

2 KARAENG-KARAENG 5:14

Lanri kammana anjo a'lampami Naaman mange ri Binanga Yordan nampa antama' ampaselangi kalenna pintuju sangkamma napassuroanga Elisa. Na'jari baji'mo Naaman. A'jari baji'mi ammotere' tanja'na kalenna sangkamma kale turungka.

PAMMUJI 51:2

ri le'ba'na nipakainga' ri Na'bi Natan lanri a'gau' salimara'na siagang Batsyeba.

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

KAIMANGNGANG 13:13

siagang punna turu' pamaressana anjo garringa alla'bammi ri sibatu kalenna siagang kabusu'na bukkulenna a'jari kebo'mi, anjo taua musti nipaui angkanaya tangkasaki.

KAIMANGNGANG 13:17

untu' niparessa poleang. Punna ma'nassa a'jari kebo'mi ammotere' anjo puru lompoa, imanga musti napaui angkana tangkasa'mi anjo taua.

KAIMANGNGANG 14:51

Nampa anjo kayu camaraya, otere' ejaya, kayu supaka siagang jangang-jangang attallasaka ija musti najallakkangi antama' ri cera'na anjo jangang-jangang le'baka nipolong sumpaeng, siagang antama' ri anjo je'ne' ci'nonga. Le'baki anjo musti napiracciki anjo ballaka pintuju.

KAIMANGNGANG 16:14

Nampa musti angngalle Harun sike'de' cera'na anjo sapia, nampa napiracciki siagang karemenna bageang dallekanna pa'rangka' Patti Parjanjianga siagang pintuju mae ri dallekanna Pattia.

KAIMANGNGANG 16:19

Naparacciki sike'de' anjo ceraka siagang karemenna sa'genna pintuju mange ri rateanna anjo tampa' pakkoro'bangnganga. Kammaminjo carana ampakatangkasaki tampa' pakkoro'bangnganga battu ri kara'massanna bansa Israel sollanna a'jari tangkasa'.

KAIMANGNGANG 16:22

Anjo bembea naerang ngasemmi sikontu dosana bansa Israel mange ri daera kalotoroka, ia tenaya napammantangangi tau siagang musti nalappassangi anjoreng ri parang lompoa.

KAIMANGNGANG 4:17

Anjoreng musti najallakkangi karemenna antama' ri anjo ceraka nampa napiracciki sa'genna pintuju ri dallekanna gordeng passimbanna Kamara' Matangkasaka.

KAIMANGNGANG 4:6

Nampa musti najallakkang karemenna antama' ri anjo ceraka siagang naparacci' pintuju ri dallekanna gordeng passimbanna Kamara' Matangkasaka.

KAIMANGNGANG 8:11

Anjo minynyaka niparacciki sike'de' pintuju irateanna anjo tampa' pakkoro'bangnganga siagang sikontu pakkakasa'na, kammayatompa mae ri rateanna ba' je'neka siagang dapara'na. Lanri kammana anjo nanisa'la' ngasemmo anjo apa sikammaya untu' Batara.

MIKHA 7:19

LamangngamaseangKi' pole mae ri kambe siagang Kipammopporangi ikambe. LaKionjo'-onjokangi dosa-dosana ikambe nampa Kipasambila antama ri rawanganna tamparanga!

PAMMILANGNGANG 19:12

Ri allo makatallua siagang makatujua musti natangkasi kalenna siagang je'ne' upacara; punna le'baki, nampami a'jari tangkasa'. Mingka punna ri makatalluna alloa siagang ri makatujuna alloa tena natangkasi kalenna, tuli ra'masa'na.

YOHANES 19:34

Mingka nia'mo kalase'renna anjo surudadua anto'doki poke sa'rinNa Isa, sa'genna assulu'mi ceraka accampuru' je'ne'.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

IBRANI 9:13

Anjo cera' bembea siagang sapi lakia kammayatompa auna anjo koro'bang sapi rungkaya, nipakei untu' amba'basaki sikamma tau ra'masaka, sollanna a'jari tangkasa' ke'nanga. Jari, punna akkulle ceraka siagang aua antangkasi kara'massanna ke'nanga,

IBRANI 9:19

Uru-urua napabattui Musa sikontu anjo hukkung Napassuroanga Allata'ala mae ri bansa Israelka. Le'baki anjo, angngallemi Musa cera' sapi rungka siagang cera' bembe laki. Nampa nacampuru' siagang je'ne', nampa napaba'basa' mange ri Kitta' Hukkung-hukkung battua ri Allata'ala siagang mange ri sikontu bansa Israelka. Ruku'-ruku' siagang bulu gimbala' eja toaya tanja'na napaba'basa'.

IBRANI 9:21

Le'baki anjo napaba'basa' kammatommi anjo Musa anjo ceraka mae ri kemaNa Batara siagang sikontu pakkakasa' sarroa nipake assambayang.

IBRANI 9:26

Nasaba' punna a'mole-molei Nagaukang kammaya, tantu a'mole-molemi Napisa'ringi sessaya baku' nipa'jarina linoa. Mingka a'nassami angkanaya ri anne kala'busang jammanga, battumi sikaliji bawang angkoro'bangkangi KalenNa sollanna Natangkasi dosaya.

1 YOHANES 5:6

Iaminjo Isa Almasi, antamaka ri anne linoa angngerang je'ne' lanapa'je'neka siagang cera' kamateanNa. Tena naje'ne' bawang Naerang battu, mingka je'ne' siagang cera'. Na KalenNa RohNa Allata'ala a'jari sa'bi angkanaya kammatojengi anjo; nasaba' iaminjo Roh kontutojenga.