KAIMANGNGANG 14:5 - KITTA' MATANGKASA'

⁵ Anjo jangang-jangang sikayua musti nisamballei irate ri uring butta le'baka nibonei je'ne' battua ri timbuseng je'neka.

KAIMANGNGANG 14:5 ပူးပေါင်းရင်းမြစ်များ

KAIMANGNGANG 14:4

nisuromi ri imanga anjo taua angngerang jangang-jangang attallasa' tenaya naharang, siagang sipolong kayu camara, otere' eja siagang sitangke supa.

KAIMANGNGANG 14:50

Jangang-jangang sikayua musti nipolongi irate ri uring le'baka nibonei siagang je'ne' battua ri timbuseng je'neka.

KAIMANGNGANG 14:6

Nampa jangang-jangang sikayua pole siagang kayu camara, otere' eja siagang sitangke supa musti nijallakkangi naung ri cera'na jangang-jangang le'bakamo nisamballe.

PAMMILANGNGANG 5:17

Nampa angngalle imanga se're mangko' butta siagang napatiri' sike'de' je'ne' matangkasa' antama' ri anjo mangkoka. Le'baki anjo musti angngallei sike'de' au battu ri dapara'na KemaNa Batara nampa napantama' ri anjo je'neka.

2 KORINTUS 13:4

Memang, ri wattunna nisalli' lammai; mingka kamma-kamma anne attallasa' poleammi lanri kakoasanNa Allata'ala. Ikambe tulamma tonjaki' lalang assileo'na katallassanta siagang Almasi; mingka punna sidallekangki' siagang ikau ngaseng, a'jari majarre' tommaki' lanri koasaNa Allata'ala.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.