KAIMANGNGANG 14:16 - KITTA' MATANGKASA'

¹⁶ Le'baki anjo najallakkammi karemeng lima kananna antama' ri minynyaka, siagang naparacci' pintuju antama' ri KemaNa Batara.

KAIMANGNGANG 14:16 ပူးပေါင်းရင်းမြစ်များ

KAIMANGNGANG 14:15

Nampa angngalle sike'de' imanga minynya' zaitun na napatiri' ri pala' lima kalenna ri kairia.

KAIMANGNGANG 14:17

Nampa anjo minynya' sike'deka ri limanna musti napasapui mae ri tampa'-tampa' le'baka nisapui cera', iamintu ri leko' toli kananna, ri anrong lima kananna siagang ri anrong bangkeng kananna anjo tau eroka nipa'jari tangkasa'.

KAIMANGNGANG 4:17

Anjoreng musti najallakkangi karemenna antama' ri anjo ceraka nampa napiracciki sa'genna pintuju ri dallekanna gordeng passimbanna Kamara' Matangkasaka.

KAIMANGNGANG 4:6

Nampa musti najallakkang karemenna antama' ri anjo ceraka siagang naparacci' pintuju ri dallekanna gordeng passimbanna Kamara' Matangkasaka.

KAIMANGNGANG 8:11

Anjo minynyaka niparacciki sike'de' pintuju irateanna anjo tampa' pakkoro'bangnganga siagang sikontu pakkakasa'na, kammayatompa mae ri rateanna ba' je'neka siagang dapara'na. Lanri kammana anjo nanisa'la' ngasemmo anjo apa sikammaya untu' Batara.

LUKAS 17:18

Angngapa naiaji bawang anne tau battu pantarang pa'rasanganga ammotere' appala' sukkuru' ri Allata'ala?”

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.