KAIMANGNGANG 14:12 - KITTA' MATANGKASA'

¹² Imanga musti angngallei sikayu ana' gimbala' lakia sumpaeng siagang anjo minynya' zaitun bage tallunna silitereka, untu' a'jari koro'bang passambe karugiang, nampa napassareang salaku passare nipappicinikang mae ri Batara.

KAIMANGNGANG 14:12 ပူးပေါင်းရင်းမြစ်များ

KALAPPASSANG 29:22

Allei jannana anjo gimbala' lakia, ingkonna niaka jannana, lapisi' jannana battu ri parru'na, bageang kaminang bajika battu ri atenna, ruaya lempanna siagang jannana, siagang bongga kananna.

KALAPPASSANG 29:24

Padongko' kabusuki anjo kanre-kanreanga ri limanna Harun siagang ana'-ana'na siagang suroi ke'nanga ampajonjoi mae ri Nakke a'jari passare nipajonjo.

KALAPPASSANG 29:26

Allei barambanna anjo gimbala' lakia siagang passareangi untu' a'jari koro'bang nipajonjo mae ri Nakke. Nampa iaminjo bageannu.

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

KAIMANGNGANG 14:10

Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 14:11

Nampa musti naerang imanga anjo passarena mange ri dallekanna pakke'bu' KemaNa Batara.

KAIMANGNGANG 14:19

Nampa musti napassareang imanga koro'bang pammopporang dosaya sollanna a'jari tangkasa' anjo tau ra'masaka. Le'baki anjo musti ammolongi olo'-olo' untu' koro'bang nitunu,

KAIMANGNGANG 5:15

Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.