KAIMANGNGANG 14:10 - KITTA' MATANGKASA'

¹⁰ Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 14:10 ပူးပေါင်းရင်းမြစ်များ

KALAPPASSANG 29:40

Siagang anjo ana' gimbala' untu' passare bari'basaka, musti nipassareang tongi se're kilo battala'na tarigu kaminang bajika, ia nipasileoka siagang silitere' minynya' zaitun tenaya campuranna. Pantaranganna anjo nipassareang tongi silitere' je'ne' anggoro'.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 14:11

Nampa musti naerang imanga anjo passarena mange ri dallekanna pakke'bu' KemaNa Batara.

KAIMANGNGANG 14:12

Imanga musti angngallei sikayu ana' gimbala' lakia sumpaeng siagang anjo minynya' zaitun bage tallunna silitereka, untu' a'jari koro'bang passambe karugiang, nampa napassareang salaku passare nipappicinikang mae ri Batara.

KAIMANGNGANG 14:15

Nampa angngalle sike'de' imanga minynya' zaitun na napatiri' ri pala' lima kalenna ri kairia.

KAIMANGNGANG 14:21

Punna kasi-asi anjo taua siagang tena pakkullena, akkullei angngerang sikayumo bawang ana' gimbala' laki untu' koro'bang passambe karugiang, a'jari koro'bang nipatala mae ri Batara. Pantaranganna anjo sikilo labu' nipasileoka siagang minynya' zaitun untu' koro'bang nipatala, siagang bage tallunna silitereka minynya' zaitun.

KAIMANGNGANG 2:1

Punna nia' tau assare koro'bang nipatala mae ri Batara, anjo koro'banga musti a'rupa labu' kaminang bajika, ia nitirikia siagang minynya' zaitun siagang nisarea kamanynyang rateanna.

KAIMANGNGANG 2:11

Koro'bang nipatalaya mae ri Batara takkulleai nipa'bengkoro' siagang bani yareka pa'gambang, lanri anjo je'ne' bania siagang pa'gambanga takkulleai nitunu untu' a'jari passare mae ri Batara.

KAIMANGNGANG 2:13

Tunggala' koro'bang nipatalaya musti nice'lai, lanri anjo ce'laya a'jari pammatei ri parjanjianNa Allata'ala siagang ikau ngaseng. Jari sikontu anjo passarea musti nice'lai.

KAIMANGNGANG 23:13

Untu' koro'bang kanre-kanreang assareko labu' rua kilo ia nipasileoka siagang minynya' zaitun. Rasanna anjo koro'banga lanapakasannangi nyawaNa Batara. Pasiagang tongi silitere' je'ne' anggoro' anjo passarenu.

KAIMANGNGANG 4:32

Punna nia' tau assare sikayu gimbala' untu' koro'bang nipammopporanna dosana, anjo gimbalaka musti gana siagang tenaya callanna.

KAIMANGNGANG 9:1

Siallo ri le'ba'namo anjo upacara pallantikanga, iamintu ri allo makasagantujua, nakio'mi Musa anjo Harun siagang sikamma ana'na kammayatompa sikontu pamimpinna tu Israel.

PAMMILANGNGANG 28:20

Passareangi anjo koro'bang nipatala tenaya nakkulle tanipassareang, iamintu labu' nipasileo' minynya' zaitun: tallu kilo labu' untu' tassikayua sapi laki, rua kilo untu' gimbala' laki,

PAMMILANGNGANG 6:14

siagang angngerang mae ri Batara tallung kayu olo'-olo' tenaya callanna: sikayu ana' gimbala' laki umuru' sitaunga untu' koro'bang nitunu, sikayu ana' gimbala' gana umuru' sitaunga untu' koro'bang pammopporang dosa, siagang sikayu gimbala' laki untu' koro'bang passiamakkang.

MATIUS 8:4

Le'baki anjo Nakanamo pole Isa ri anjo taua, “U'rangi! Tea' laloko caritai anne kajarianga manna pole ri nai. Mingka a'lampamako mange ri imanga, na nusuro paressa kalennu ri ia. Le'baki anjo, a'lampamako mange assare koro'bang situru' napassuroanga Musa; iaminjo a'jari butti ri taua angkanaya ma'nassa baji' mako ri garrinnu!”

MARKUS 1:44

“Jagako, tea' laloko caritai anne passalaka manna pole ri nai. Mingka a'lampamako mae ri imanga assuro paressai kalennu mattantunu baji'mo. Punna le'ba' anjo, a'lampamako assare koro'bang passidakka situru' napassuroanga Musa, lanri a'jari baji'numo. Iaminjo a'jari butti ri taua angkanaya ma'nassa baji' mako ri garrinnu.”

LUKAS 5:14

Napisangkaimi Isa anjo taua ancaritai anjo passalaka, manna pole ri nai. Nakanamo ri anjo taua, “A'lampamako mae ri imanga nampa nusuro amparessai kalennu. Nampa a'lampako mange assare koro'bang situru' napassuroanga Musa. Iaminjo a'jari butti ri taua angkanaya ma'nassa baji' mako ri garrinnu.”

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 6:33

Nasaba' roti Napassareanga Allata'ala, Iamintu niaka manurung battu ri suruga, siagang assarea katallassang mae ri rupataua.”

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.