KAIMANGNGANG 13:5 - KITTA' MATANGKASA'

⁵ Ri allo makatuju, musti naparessai pole imanga anjo taua. Na punna turu' panggappana tuli kammana riolo anjo garringa siagang tenaja na'bakka', anjo taua musti nisa'laki pole tuju allo.

KAIMANGNGANG 13:5 ပူးပေါင်းရင်းမြစ်များ

KALAPPASSANG 29:30

Ana'na Harun ansambeangai manggena a'jari imang siagang antamaka ri KemaKu untu' anggaukangi ibadana ri Kamara' Matangkasaka, musti napakei anjo pakeanga tuju allo sallona.

KAIMANGNGANG 13:4

Mingka punna anjo bageang pa'risika keboki nicini' nampa tenaja nala'bi lantang na bukkuleng maraenga ri ampi'na anjo pa'risika, nampa tena tonja na'jari kebo' bulunna ri anjo bageang pa'risika, anjo taua musti nisa'laki lalang tuju allo.

KAIMANGNGANG 13:6

Ri makatujuna pole alloa musti naparessai pole imanga anjo taua; na punna a'jari piamo anjo garringa siagang tenaja na'bakka', musti napaui imanga angkana tangkasa'mi anjo taua. Anjo garrinna taua teaiji garring sala. Anjo taua musti nasassai pakeanna nampa a'jari tangkasa'.

KAIMANGNGANG 14:8

Nampa anjo jangang-jangang attallasaka ija musti nalappassangi ri paranga. Nampa anjo taua musti nasassai pakeanna, nacukkuru' ngasengi uu'na, siagang a'je'neki. Jari tangkasa'mi anjo taua siagang akkullemi antama' ri pakkemaanga, mingka lalanna tuju alloa pole takkulleapi antama' ri kema kalenna.