KAIMANGNGANG 11:32 - KITTA' MATANGKASA'

³² Punna tu'guru' anjo bakkena olo'-olo' kammaya ri se'rea apa-apa, a'jari ra'masaki anjo apa-apaya. Kammaminjo mae ri kayua, kaenga, kukkuluka yareka kaeng karung, manna pole nanipake untu' apa-apa mamo. Anjo barang-barang kammaya musti niammei lalang ri je'ne', mingka tuli ra'masa'na sa'genna labu alloa.

KAIMANGNGANG 11:32 ပူးပေါင်းရင်းမြစ်များ

KAIMANGNGANG 11:31

Inai-nai anseroi olo'-olo' kammaya anjo yareka naseroi bakkena a'jari ra'masaki sa'genna labu alloa.

KAIMANGNGANG 14:46

Inai-nai antama' ri anjo ballaka sumpaeng, a'jari ra'masaki sa'genna labu alloa.

KAIMANGNGANG 15:12

Punna nia' uring butta nasero anjo taua musti nireppeki siagang punna nia' pakkakasa' nata'gala', musti nibissai.

KAIMANGNGANG 15:15

Imanga musti napassareangi sikayu anjo jangang-janganga untu' koro'bang pammopporang dosa, siagang anjo sikayua untu' koro'bang nitunu. Kammaminjo na nagaukammo imanga upacara pannangkasia mae ri anjo taua ri dallekanNa Batara.

KAIMANGNGANG 16:26

Anjo tau allappassangiai bembea untu' Azazel ri parang lompoa musti nasassai pakeanna siagang a'je'neki ri wattu tenanapa nammotere' mange ri pakkemaanga.

KAIMANGNGANG 17:15

Sikamma tu Israelka yareka bansa maraeng angnganrea dageng mate kalenna, yareka mate nikokko' ri olo'-olo' sekke', musti nasassai pakeanna nampa a'je'ne' siagang attayang sa'genna labu alloa, nampami a'jari tangkasa'.

KAIMANGNGANG 22:6

Se'rea imang, manna pole apa passabakkanna na'jari ra'masa', tuli ra'masa'na sa'genna labu alloa. Siagang punna labumo alloa tenapa nakkulle angnganre kanre nipassareang ri Batara punna tenapa nale'ba' a'je'ne'.

KAIMANGNGANG 6:28

Uring butta le'baka nipake untu' ampallui anjo dageng koro'banga musti nireppeki. Punna uring bassi nipake, anjo uring bassia musti nitangkasi nikeso' nampa nitangkasi siagang je'ne'.

PAMMILANGNGANG 19:15

Sikontu bongkia siagang uring tenaya pattongko'na a'jari ra'masa' ngaseng tongi.

PAMMILANGNGANG 19:7

Nampa musti nasassai pakeanna siagang a'je'neki imanga. Le'baki anjo akkullemi antama' ri pakkemaanga, mingka tuli ra'masa'na ija sa'genna labu alloa.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.