KAIMANGNGANG 11:24 - KITTA' MATANGKASA'

^24-28 Se'rea tau a'jari ra'masaki sa'genna labu alloa punna naseroi bakkena kalase'renna anne olo'-oloka: olo'-olo' niaka kanukunna pantaranganna a'mamaya siagang appangkaya kanukunna, siagang olo'-olo' appaka bangkenna na nia' pakkaere'na. Inai-nai angngerang bakke olo'-olo' kammaya anjo musti nasassai pakeanna, mingka ra'masa' iji sa'genna labu alloa.

KAIMANGNGANG 11:24 ပူးပေါင်းရင်းမြစ်များ

YESAYA 22:14

Napa'nyatai KalenNa Batara Kaminang Tinggia siagang Kaminang Makoasaya mae ri nakke, na nakana, “Tojeng, anjo kaja'dallanna ke'nanga tena nalaKupammopporang sa'genna mate ke'nanga. INakke, Batara, anne le'ba' akkana kamma.”

KAIMANGNGANG 11:23

Mingka sikamma olo'-olo' kaluara maraenga ia akka'nyika siagang akkaloloka harangi.

KAIMANGNGANG 11:31

Inai-nai anseroi olo'-olo' kammaya anjo yareka naseroi bakkena a'jari ra'masaki sa'genna labu alloa.

KAIMANGNGANG 11:8

Tena nakkulle nikanre dagenna siagang manna bakkena takkulleai nisero lanri harangi anjo olo'-olo' kammaya.

KAIMANGNGANG 14:46

Inai-nai antama' ri anjo ballaka sumpaeng, a'jari ra'masaki sa'genna labu alloa.

KAIMANGNGANG 15:10

Inai-nai anseroi bate pammempoanna anjo taua, a'jari ra'masaki sa'genna labu alloa. Inai-nai angngangkaki anjo bate pammempoanna musti nasassai pakeanna siagang a'je'neki, siagang a'jari ra'masaki sa'genna labu alloa.

KAIMANGNGANG 15:11

Punna nia' tu bura'ne napassuluki je'ne' katauanna lanri garring bainei, na nasero tau maraenga ri tenanapa nabissai limanna, anjo tau naseroa musti nasassai pakeanna siagang a'je'neki, kammayatompa ra'masaki sa'genna labu alloa.

KAIMANGNGANG 15:15

Imanga musti napassareangi sikayu anjo jangang-janganga untu' koro'bang pammopporang dosa, siagang anjo sikayua untu' koro'bang nitunu. Kammaminjo na nagaukammo imanga upacara pannangkasia mae ri anjo taua ri dallekanNa Batara.

KAIMANGNGANG 15:21

Inai-nai anseroi bate pammempoanna yareka bate katinroanna baine battua bulanna, musti nasassai pakeanna siagang a'je'neki, kammayatompa ra'masaki sa'genna labu alloa.

KAIMANGNGANG 15:27

Inai-nai anseroi anjo tampaka a'jari ra'masaki. Musti nasassai pakeanna siagang a'je'neki, kammayatompa ra'masaki sa'genna labu alloa.

KAIMANGNGANG 15:5

Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

KAIMANGNGANG 16:26

Anjo tau allappassangiai bembea untu' Azazel ri parang lompoa musti nasassai pakeanna siagang a'je'neki ri wattu tenanapa nammotere' mange ri pakkemaanga.

KAIMANGNGANG 16:28

Tau antunuai musti nasassai pakeanna siagang a'je'neki ri wattu tenanapa nammotere' ri pakkemaanga.

KAIMANGNGANG 22:4

Punna nia' jari-jarina Harun nataba garring bukkuleng iamintu garring sala, yareka garring baine sa'genna assulu' je'neka battu ri katauanna, tena nipa'biangi angkanrei kanre passare matangkasaka punna tenapa natangkasa' kalenna. Se'rea imang a'jari ra'masaki punna naseroi barang ra'masaka lanri le'baki nataba maya'. A'jari ra'masa' tongi punna assulu' je'ne' kebo'na battu ri katauanna,

KAIMANGNGANG 22:5

yareka nasero olo'-olo' ra'masaka yareka tau ra'masaka.

KAIMANGNGANG 22:6

Se'rea imang, manna pole apa passabakkanna na'jari ra'masa', tuli ra'masa'na sa'genna labu alloa. Siagang punna labumo alloa tenapa nakkulle angnganre kanre nipassareang ri Batara punna tenapa nale'ba' a'je'ne'.

KAIMANGNGANG 5:2

Punna nia' tau anggaukangi kasalanga lanri tena nakunjungi sa'genna a'jari ra'masa', ebara'na naseroi olo'-olo' matea, nampa ri boko nasadari anjo kasalanna.

KAIMANGNGANG 7:21

Punna nia' tau angkanrei anjo dageng koro'banga ri wattu le'ba'na nasero apa-apa ra'masaka, baji' na apa-apa battua ri rupataua kammayatompa na apa-apa battua ri olo'-oloka, tena tommo nanibilangi anggota umma'Na Allata'ala.

PAMMILANGNGANG 19:7

Nampa musti nasassai pakeanna siagang a'je'neki imanga. Le'baki anjo akkullemi antama' ri pakkemaanga, mingka tuli ra'masa'na ija sa'genna labu alloa.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

KOLOSE 2:20

Le'ba' mako mate siagang Almasi, siagang nilappassang battu ri roh-roh makoasaya ri anne linoa. Jari, angngapa nuttallasa' sangkamma ija tau nikoasaia ri anne linoa? Angngapa nutundu' mae ri paratorang-paratorang angkanaya,

IBRANI 9:26

Nasaba' punna a'mole-molei Nagaukang kammaya, tantu a'mole-molemi Napisa'ringi sessaya baku' nipa'jarina linoa. Mingka a'nassami angkanaya ri anne kala'busang jammanga, battumi sikaliji bawang angkoro'bangkangi KalenNa sollanna Natangkasi dosaya.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.