KAIMANGNGANG 11:2 - KITTA' MATANGKASA'

^2-3 untu' bansa Israel. Sikontu olo'-olo' attallasaka ri bontoa ia a'mamaya siagang ampangkaya kanukunna hallalaki siagang akkullei nikanre.

KAIMANGNGANG 11:2 ပူးပေါင်းရင်းမြစ်များ

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

DANIEL 1:8

Lanri pannulunNa Allata'ala, anjo Daniel sanna' nisayanna siagang nikamaseanna ri Aspenas. Napattantui ri nyawana Daniel angkanaya tena nalanara'massi kalenna iamintu angnganre yareka angnginung anggoro' battu ri balla' karaenga; lanri kammana anjo napala'mi ri Aspenas sollanna nisare kanre maraeng.

KAIMANGNGANG 11:1

Napassareangi Batara mae ri Musa siagang Harun anne paratorang-paratoranga

KAIMANGNGANG 11:13

Ri sikontu jangang-janganga, anne kammaya takkulleai nukanre lanri harangi: jangang-jangang rajawali, kokoci', sikamma balangkoaka, jangang-jangang nasara', kalaa', jangang-jangang unta, camara', beleko' siagang sikamma jangang-jangang kondoa, kiti' balanga, jangang-jangang kasa siagang pa'nyikia.

KAIMANGNGANG 11:21

pantaranganna a'lumpaka.

KAIMANGNGANG 11:29

Balao tanaya, balao lompoa, balao ca'dia, buncini', sikamma tumpanga, landa', padalle', bengkarung, biku siagang bullung, harangi.

KAIMANGNGANG 11:34

Kanre natabaya je'ne' battu ri anjo uringa a'jari ra'masaki, siagang je'ne' niaka lalang ri anjo uringa a'jari ra'masaki.

KAIMANGNGANG 11:39

Inai-nai anseroi bakke olo'-olo' hallalaka a'jari ra'masaki sa'genna labu alloa.

KAIMANGNGANG 11:4

Teako angnganrei unta, palandu' yareka kalinci. Anjo olo'-olo' kammaya harangi manna pole na'mama, nasaba' tena nappangka kanukunna.

KAIMANGNGANG 11:9

Akkullei nukanre sikamma juku' akka'nyika siagang assissika.

MATIUS 15:11

Teai apa-apa antamaya ri bawaya anrantassi rupataua; mingka apa-apa assuluka battu ri bawaya, iaminjo anrantassi kalenna.”

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.