KAIMANGNGANG 10:2 - KITTA' MATANGKASA'

² Jari Napabattumi Batara pepeka antunui ke'nanga sa'genna mate ri KemaNa Batara.

KAIMANGNGANG 10:2 ပူးပေါင်းရင်းမြစ်များ

2 SAMUEL 6:7

Anjo memang wattua Nalarromo Karaeng Allata'ala mae ri Uza, lanri nahinana Batara battu ri anjo panggaukanna. Nibunomi Uza ri anjo tampaka, ri ampi'na Patti Parjanjianga.

1 KARAENG-KARAENG 13:28

nampa a'lampa. Nagappami anjo maya'na na'bi battua ri Yehuda nia' ija ri aganga kammayatompa keledaina siagang singaya ri ampi'na. Anjo keledaia tena nanikokkoki ri anjo singaya, siagang tena todong nanakanre anjo mayaka.

1 KARAENG-KARAENG 18:38

Nampa appabattumo Batara pepe' battu ri langika siagang nakanre anjo kayua siagang anjo koro'banga sa'genna ammutung, batu-batunna, buttana, kammayatompa nalepa' ngaseng tommi je'ne' niaka ri kaloroka.

2 KARAENG-KARAENG 1:10

Appialimi Elia angkana, “Punna padeng atanNa' Allata'ala, poro naung laloi pepeka battu ri langika na nakanre ngasengko siagang sikontu ana' buanu!” Anjo memang wattua nia'mo pepe' naung angkanrei anjo perwiraya siagang limampuloa ana' buana.

2 KARAENG-KARAENG 1:12

Appialimi Elia angkana, “Punna padeng atanNa' Allata'ala, poro naung laloi pepeka battu ri langika na nakanre ngasengko siagang sikontu ana' buanu!” Anjo memang wattua nia'mo pepe' naung angkanrei anjo perwiraya siagang limampuloa ana' buana.

1 PATTOTTORANG 13:10

Anjo wattua larromi Batara ri Uza, lanri anjo panggaukang kammaya nahinai Batara. Jari Nabunomi Uza anjoreng. Jari appakkaramula anjo wattua anjo tampaka niaremmi “Peres-Uza”. Larromi Daud lanri Nabunoi Batara anjo Uza.

1 PATTOTTORANG 15:13

Ri wattu bungasa' nipalette'na anjo Pattia, tena ngasengko anjoreng untu' angngangkaki. Lanri kammana minjo naNahukkungki' Batara, Allata'alata, nasaba' anynyombaki' ri Ia tena nasituru' ero'Na.”

AYUB 1:16

Lalang a'bicarana ija anjo taua, battumi atanna makaruaya angkana, “Sikamma gimbalatta siagang sikamma pakalawakinna nitabai ri kila' sa'genna mate ngaseng. Inakke mami anne atanta ta'lappasa' sa'gengku akkulle battu a'laporo' mae ri katte.”

PAMMUJI 50:3

Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

KALAPPASSANG 24:1

Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

KAIMANGNGANG 10:5

Battumi ke'nanga na naerang anjo mayaka ammakeanga ija, sangkamma naparentanga Musa.

KAIMANGNGANG 16:1

Ri wattunna matemo ruaya ana'na Harun, iamintu ri wattunna napassareang pepe' tenaya Nakaerokangi Batara, Nakanamo Batara ri Musa,

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

PAMMILANGNGANG 16:35

Nampa appabattumo pepe' Batara na nakanre sa'genna ammutung anjo 250 tau assarea dupa.

PAMMILANGNGANG 16:49

Ia matea anjo wattua nia' 14.700 tau jaina, tenapa nanirekengi ke'nanga tau matea lalang angngewana Korah.

PAMMILANGNGANG 26:61

Nadab siagang Abihu matei ri wattunna assare pepe' tenaya Nakaeroki Allata'ala.

LAMPA-LAMPANA 5:10

Anjo wattua, tu'guru' memammi anjo bainenna Ananias, namate ri dallekanna Petrus. Na wattunna antama' anjo ana'-ana' rungkaya, narapikammi ke'nanga matemi anjo bainenna Ananias. Naerammi ke'nanga assulu' anjo mayaka, nampa naerang mange natarawang ri ampi'na bura'nenna.

LAMPA-LAMPANA 5:5

Kamma nalangngere'na Ananias anjo kana-kana napaua Petrus, tu'guru'mi, namate. Sikontu tau allangngerekai anjo apa kajarianga, a'jari malla' ngasemmi.

1 KORINTUS 10:11

Yangasemmi anjo kajariang mae ri ke'nanga, untu' a'jari conto mae ri tau maraenga. Kammayatompa nitulisi' ngaseng tommi anjo apa kajarianga untu' a'jari pappakainga' mae ri katte ngaseng. Nasaba' kamma-kamma anne nia' maki' attallasa' ri kala'busanna jammanga.

1 SAMUEL 6:19

Mingka lanri attoa'na siapa are tau ri Bet-Semes antama' ri anjo Patti Parjanjianga, nia'mo tujupulo tau ri ke'nanga mate nibuno ri Batara. Nampa natujumo susa ke'nanga nasaba' nipitujui ke'nanga ri Batara bala lompo.