KAIMANGNGANG 10:15 - KITTA' MATANGKASA'

¹⁵ Bongganna passare nisa'laka siagang barambanna passare nipappicinikanga musti nierangi siagang jannana koro'bang nitunua salaku passare nisa'la' mae ri Batara. Anjo bageang-bageanga ikau pata siagang ana'-ana'nu sa'genna satunggu-tungguna, sangkamma Naparentakanga Batara.”

KAIMANGNGANG 10:15 ပူးပေါင်းရင်းမြစ်များ

PA'JARIANG 13:15

Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.

PA'JARIANG 17:13

Sikontu taua musti nisunnaki, siagang iaminjo la'jari pammatei ma'nassana, angkanaya anne parjanjiangKu siagang ikau iamintu parjanjiang sa'genna satunggu-tungguna.

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

KALAPPASSANG 29:27

Punna upacara palantikang, barambanna siagang bongganna anjo gimbala' lakia nipakea lalang anjo upacaraya musti nipassareangi a'jari passare nipajonjo mae ri Nakke siagang nisa'laki untu' sikamma imanga.

KALAPPASSANG 29:28

Iaminne kaputusangKu tenaya nakkulle nipinra: Ri wattunna battu ummakKu ampassareangi anjo koro'bang passiamakkanga, barambanna siagang bongganna anjo olo'-oloka iami bageanna sikamma imanga. Iaminjo passarena ummakKu untu' iNakke.

KAIMANGNGANG 2:3

La'binna anjo koro'bang nipatalaya iaminjo bageanna sikamma imanga. Anjo koro'banga teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

KAIMANGNGANG 7:34

Barambanna siagang bongga kananna iami passare nisa'la' Naallea Batara battu ri passare napappicinikanga bansa Israel siagang nipassareanga mae ri sikamma imanga. Iaminjo sumbanganna bansa Israel mae ri sikamma imanga sa'genna satunggu-tungguna.

PAMMILANGNGANG 5:9

Apa-apa mamo napassareang tu Israel mae ri Batara, anjo passare nisa'la'na a'jari bageannai imang antarimayai anjo passarea.