KAIMANGNGANG 10:1 - KITTA' MATANGKASA'

¹ Ri se'reang allo, Nadab siagang Abihu, iamintu ana'na Harun, angngallei massing tampa' pepe'na nampa nabonei bara. Nampa nabonei ke'nanga dupa anjo pepeka siagang napassareang mae ri Batara. Mingka tena nahallala' anjo pepeka lanri tena nisuroi ke'nanga ri Batara ampassareangi anjo kammaya.

KAIMANGNGANG 10:1 ပူးပေါင်းရင်းမြစ်များ

1 KARAENG-KARAENG 18:38

Nampa appabattumo Batara pepe' battu ri langika siagang nakanre anjo kayua siagang anjo koro'banga sa'genna ammutung, batu-batunna, buttana, kammayatompa nalepa' ngaseng tommi je'ne' niaka ri kaloroka.

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

KALAPPASSANG 24:1

Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

KALAPPASSANG 24:9

Nampa nai'mo Musa, Harun, Nadab, Abihu siagang anjo tujupuloa pamimping angngambi' ri monconga.

KALAPPASSANG 27:3

Apparekko siapa are pamaja', sikopang, mangko'-mangko', garpu-garpu siagang tampa' pepe'. Sikontu anjo pakkakasaka musti tambaga nipare'.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KALAPPASSANG 31:11

minynya' upacara, siagang kamanynyang mabau' untu' Kamara' Matangkasaka. Yangasenna anjo musti napareki ke'nanga situru' apa Kupauangako.”

KALAPPASSANG 37:29

Appare' tommi Bezaleel minynya' upacara siagang dupa kaminang bajika siagang bauka, nicampuru' sangkamma minynya' wangi.

KALAPPASSANG 38:3

Appare' tongi pamaja'-pamaja', sikopang, garpu-garpu, mangko'-mangko', siagang pammantangngang pepe'. Yangasenna anjo pakkakasaka sangnging battu ri tambaga nipare'.

KALAPPASSANG 40:27

nampa natunu dupa bauka situru' le'baka Naparentakang Batara mae ri Musa.

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

KALAPPASSANG 8:27

Musti a'lampai ikambe mange ri parang lompoa, kira-kira bellana tallungalloi nijappai battu anrinni. Anjorengi ikambe lassare koro'bang mae ri Karaeng Allata'alana ikambe, sangkamma niparentakanga mae ri kambe.”

YEREMIA 19:5

Appaentengi ke'nanga tampa' pakkoro'bangngang untu' Rewata Baal, untu' ampassareangi ana'-ana'na ke'nanga a'jari koro'bang nitunu, padahala' tale'bakai Kusuro ke'nanga anggaukangi anjo kammaya, ba'lalo anjo kammaya tale'bakai ammumba lalang ri pikirangKu.

YEREMIA 32:35

Ambangungi ke'nanga tampa'-tampa' pakkoro'bangngang untu' Rewata Baal ri Ka'bung Lappara' Hinom, nampa napassareang ana'-ana'na ke'nanga a'jari koro'bang mae ri Rewata Molokh. Padahala', tale'bakai Kusuro ke'nanga anggaukangi anjo kammaya, ba'lalo tale'bakai ammumba lalang ri pikkirangKu angkanaya lanagaukangi ke'nanga anjo panggaukang appakaringi'-ringi' kammaya siagang napa'jari dorakai tu Yehuda.”

YEREMIA 44:15

Nampa battumo tau jai sikalia mae ri nakke, iamintu tu bura'ne naassenga angkanaya tubai'-bainena assarei koro'bang mae ri rewataya, siagang sikontu tubaine niaka ammenteng anjoreng, kammayatompa tu Israel ammantanga ri Patros, bageang timboro'na Mesir. Nakana ke'nanga ri nakke,

YEREMIA 44:8

Apa saba'na nanugaukang apa-apa ampabattuai larroKu? Battuko mae siagang ammantangko ri Mesir, pa'rasangang tenaya nuassengi, nampa anynyombako barhala siagang assareko koro'bang mae ri anjo rewata-rewataya! Apaka erokko angngancuruki kalennu sollannu nihina ri sikontu bansaya ri lino siagang nipake arennu salaku pattunra?

YEREMIA 7:31

Se're tampa' pakkoro'bangngang niarenga Tofet le'ba'mi nabangung ke'nanga ri Ka'bung Lappara' Hinom untu' napake ampassareangi ana'-ana'na ke'nanga a'jari koro'bang nitunu. Padahala' iNakke tena le'bakai Kusuro anggaukangi anjo kammaya, ba'lalo tena le'bakai ammumba anjo pikkirang kammaya lalang ri pikkirangKu.

KAIMANGNGANG 16:1

Ri wattunna matemo ruaya ana'na Harun, iamintu ri wattunna napassareang pepe' tenaya Nakaerokangi Batara, Nakanamo Batara ri Musa,

KAIMANGNGANG 16:12

musti naallei tampa' pepe'ka battu ri tampa' pakkoro'bangnganga nampa nabonei bara pepe' sa'genna rassi siagang ruang kangkang dupa alusuka, nampa naerang mange ri Kamara' Kaminang Matangkasaka.

KAIMANGNGANG 22:9

Sikontu imanga musti naturuki paratorang-paratorang Kupassareanga. Punna tena, salai ke'nanga siagang tena tamatena, lanri nadakkai ke'nanga anjo paratorang-paratorang matangkasaka. INakke Batara, siagang iNakke ansa'laki ke'nanga untu' KalengKu.

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

PAMMILANGNGANG 16:46

nampa nakana Musa mae ri Harun, “Allei tampa' pepe'nu, bonei siagang bara pepe' battu ri tampa' pakkoro'bangnganga siagang bonei dupa irateanna. Erangi linta' mae ri ummaka siagang gaukangi upacara pammopporang dosaya untu' ke'nanga. Lintakko! A'rinrami larroNa Batara siagang appakkaramulami garringa.”

PAMMILANGNGANG 26:61

Nadab siagang Abihu matei ri wattunna assare pepe' tenaya Nakaeroki Allata'ala.

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

PAOLE 17:3

siagang parentaNa Karaeng Allata'ala lanri anynyombana siagang napare' atana kalenna mae ri rewata-rewata maraenga, yareka mae ri mataalloa, bulanga yareka bintoenga.

PAOLE 4:2

Anjo apa kuparentakanga, teako tambai yareka teako kurangngi manna sike'de'. Turuki sikamma parentaNa Karaeng Allata'alanu kupassareanga mae ri kau.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.