KAIMANGNGANG 1:5 - KITTA' MATANGKASA'

⁵ Nampa anjo sapia musti nisamballei ri dallekang pakke'bu'na Kemaya. Cera'na musti napassareangi sikamma imang jari-jarina Harun mae ri Batara, nampa napatiri' anjo ceraka mae ri appaka sa'rinna anjo tampa' pakkoro'bangnganga ri dallekang pakke'bu'na Kemaya.

KAIMANGNGANG 1:5 ပူးပေါင်းရင်းမြစ်များ

2 PATTOTTORANG 35:11

Nampa napolommo ke'nanga olo'-oloka untu' ampakalompoi anjo Allo Paskaya; tu Lewi ampasuluki kukkulu'na siagang imang-imanga amparacciki cera'na anjo olo'-oloka nai' ri tampa' pakkoro'bangnganga.

KALAPPASSANG 29:11

Polongi anjo sapi lakia ri dallekangKu, ri pakke'bu'na Kemaya.

KALAPPASSANG 29:16

Nampa nupolong anjo gimbalaka. Allei cera'na nampa nupatiri' mae ri appaka sa'rinna anjo tampa' pakkoro'bangnganga.

KALAPPASSANG 40:6

Boliki tampa' pakkoro'bangngang untu' koro'bang nitunua ri dallekang pakke'bu'na Kemaya.

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YEHEZKIEL 43:18

Nakana Batara Kaminang Tinggia ri nakke, “He tau, pilangngeri apa Kupaua mae ri kau. Punna le'baki anjo tampa' pakkoro'bangnganga nibangung, musti numinyaki iamintu attunuko koro'bang irateanna siagang nupiracciki cera' koro'bang.

KAIMANGNGANG 1:11

Anjo taua musti nasamballei anjo olo'-oloka ri bageang warakkanna anjo tampa' pakkoro'bangnganga; nampa imang-imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 1:15

Musti naerangi imanga anjo jangang-janganga mae ri tampa' pakkoro'bangnganga, nampa naputara' kallonna na natunu ulunna irate ri tampa' pakkoro'bangnganga. Cera'na anjo jangang-janganga musti nipaccoki assulu' mae ri sa'rinna tampa' pakkoro'bangnganga.

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

KAIMANGNGANG 17:11

Nyawana sikamma apa attallasaka niaki lalang ri cera'na. Lanri kammana anjo Naparentakangi Batara sollanna sikontu ceraka nipatiriki irate ri tampa' pakkoro'bangnganga sollanna nitangkasi dosa-dosana ummaka. Ceraka iamintu nyawaya, antangkasi dosaya.

KAIMANGNGANG 3:13

Anjoreng musti napadongkoki limanna ri tompo' ulunna anjo bembea nampa nasamballe ri dallekanna Kemaya. Imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 3:2

Anjo tau assarea musti napadongkoki limanna ri tompo' ulunna anjo olo'-oloka, nampa nasamballe ri dallekang pakke'bu'na KemaNa Batara. Imang-imang jari-jarina Harun musti napatiriki cera'na anjo sapia mae ri appaka sa'rinna anjo tampa' pakkoro'bangnganga.

KAIMANGNGANG 3:8

Anjoreng musti napadongkoki limanna ri tompo' ulunna anjo gimbalaka, nampa nasamballe ri dallekanna Kemaya. Nampa musti napatiri' imanga cera'na anjo gimbalaka mae ri appaka sa'rinna anjo tampa' pakkoro'bangnganga.

KAIMANGNGANG 4:29

Musti napadongkoki limanna ri tompo' ulunna anjo olo'-oloka, nampa nasamballe ri bageang wara'na tampa' pakkoro'bangnganga ri tampa' pammolonganna olo'-oloka untu' koro'bang nitunua.

KAIMANGNGANG 4:33

Musti napadongkoki limanna irate ri tompo' ulunna anjo olo'-oloka, nampa nasamballe ri bageang wara'na tampa' pakkoro'bangnganga, ri tampa' pammolonganna olo'-olo' nipassareanga untu' koro'bang nitunu.

KAIMANGNGANG 4:7

Sipa'gang anjo ceraka musti nipasapui ri tanru'-tanru' niaka ri sikamma panyingkulu'na pattunuang dupa bauka ilalang ri Kemaya; nampa la'binnaya musti nipatiriki ri dapara'na tampa' pakkoro'bangngang koro'bang nitunua ia niaka ri dallekanna pakke'bu' Kemaya.

MIKHA 6:6

Apaka musti nipassareang mae ri Batara, Allata'ala ri suruga, punna battuki' mange anynyomba ri Ia? Mustika angngerangki' sapi rungka kaminang bajika untu' nipassareang salaku koro'bang nitunu mae ri Ia?

PAMMILANGNGANG 18:17

Mingka sapi, gimbala' siagang bembe bungasa' lassuka, tena nakkulle nipasulu'. Anjo olo'-oloka musti untu' iNakke siagang musti nikoro'bangkangi. Patiriki cera'na mae ri tampa' pakkoro'bangnganga siagang tunui jannana a'jari koro'bang. Rasanna napakasannangi nyawaKu.

IBRANI 10:11

Sikamma imang Yahudia massing nagaukangi jama-jamang allo-allona; siagang a'mole-molei assare koro'bang natuli sangkammanaja anjo koro'bang napassareanga. Mingka sikamma anjo koro'banga tena sikali nakkulle natangkasi dosaya.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

1 SAMUEL 1:25

Nipolommi anjo sapia, nampa nierang Samuel mange ri Eli.