KAIMANGNGANG 1:2 - KITTA' MATANGKASA'

² ia mustia naturuki tu Israel. Punna nia' tau assare olo'-olo' untu' koro'bang nitunu mae ri Batara, akkullei assare sapi, gimbala' yareka bembe.

KAIMANGNGANG 1:2 ပူးပေါင်းရင်းမြစ်များ

PA'JARIANG 4:3

Siapa are wattu ribokoanganna naallemi Kain siapa are wassele' lamung-lamunna nampa nakoro'bangkang mange ri Batara.

PA'JARIANG 4:5

Mingka natollaki Kain siagang koro'bang napassareanga. Larro sikalimi Kain, siagang sekke'mi nicini' tanja'na.

1 PATTOTTORANG 16:29

Puji areng mala'biri'Na, erangi koro'banga antama' ri Balla'Na Sombai Batara siagang pakeang sambayang!

EZRA 3:5

Pantaranganna anjo ta'atoro' tommi ke'nanga assare koro'bang nitunu siagang koro'bang ri Allo Lompo Bulang Beru, siagang ri sikontu allo lompo maraengannaya, ia nigaukanga untu' anynyomba ri Batara. Assare tommi ke'nanga pasare situlusu' pa'mai'na ke'nanga mae ri Batara.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

PAMMILANGNGANG 5:15

Lalang ruaya anjo passala', anjo bura'nea musti naerangi bainenna mange ri imanga. Musti angngerang tongi passare niparalluanga, iamintu sikilo labu' gandung. Anjo labuka takkulleai nitiriki minynya' zaitun yareka takkulleai nisarei dupa, lanri anjo passarea iamintu lanri bata-bata siagang a'jari pammatei angkanaya nia' bata-batana tu bura'nea mae ri bainenna.

MARKUS 7:11

Mingka ikau ngaseng nupangngajarrangi angkanaya: Punna nakana taua ri anrong-manggena, ‘Apa lakupassareanga ri katte le'ba'mi kupassidakkang mae ri Allata'ala,’

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

ROMA 12:6

Massing nia' pakkulle untu' allayani Napassareang Allata'ala mae ri katte, tenaya nasangkamma ngaseng. Anjo pakkullea, passare battu ri Allata'ala lanri pangngamaseanNa mae ri katte. Lanri kammana, musti nipakei anjo pakkullea. Tau anggappaya passare untu' ambirittakangi biritta battua ri Allata'ala, musti nabirittakangi situru' pakkullena anjo biritta battua ri Allata'ala.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.