KAIMANGNGANG 1:17 - KITTA' MATANGKASA'

¹⁷ Nampa musti nikekke' ri poko' ka'nyi'na, mingka takkulleai sa'genna tassa'la' anjo ka'nyi'na. Nampa musti nitunu anjo jangang-janganga irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 1:17 ပူးပေါင်းရင်းမြစ်များ

PA'JARIANG 15:10

Naallemi Abram sikamma anjo olo'-olo' kammaya untu' Allata'ala. Anjo sapia, bembea siagang gimbalaka, massing napue ruami, nampa napadongko' najijiri' massing sidallekang lalang ruang barrisi' anjo le'baka napue rua. Mingka anjo jangang-janganga tenaja napuei.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

KAIMANGNGANG 1:13

Nampa anjo taua musti nabissai bone parru'na siagang bongganna anjo olo'-oloka. Nampa musti napassareang ngaseng imanga mae ri Batara, na natunu irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 2:2

Musti naerangi mange ri imang jari-jarina Harun. Imang tugasaka anjo wattua musti naallei sikangkang anjo labuka siagang minynya' zaitunna kammayatompa sikontu kamanynyanna, nampa natunu irate ri tampa' pakkoro'bangnganga, salaku pammatei angkanaya yangasenna anjo nipassareang ngasemmi mae ri Batara. Rasanna anjo koro'bang kanrea lanapakasannangi nyawaNa Batara.

KAIMANGNGANG 3:5

Yangasenna anjo, siagang koro'bang nitunu maraengannaya, musti nitunui irate ri tampa' pakkoro'bangnganga. Rasanna anjo koro'bang kanrea lanapakasannangi nyawaNa Batara.

KAIMANGNGANG 5:8

Anjo jangang-janganga musti nierangi mae ri imanga. Imanga musti napassareangi la'bi riolo jangang-jangang nipattantua untu' koro'bang nipammopporanna dosaya. Kallonna anjo jangang-janganga musti naputaraki, mingka takkulleai sa'genna sisa'la' siagang ulunna.

KAIMANGNGANG 6:14

Iaminne paratorang-paratoranna koro'bang nipatalaya untu' Batara. Anjo koro'banga musti nierangi mange ri dallekanna tampa' pakkoro'bangnganga ri kalase'renna jari-jarina Harun.

KAIMANGNGANG 9:13

Le'baki anjo napassareammi ke'nanga mae ri ia ulunna anjo olo'-oloka siagang bageang maraenna, nampa natunu irate ri tampa' pakkoro'bangnganga.

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

PAMMILANGNGANG 28:8

Anjo ana' gimbala' untu' passare karuenga musti sangkammai carana nikoro'bangkang siagang passare bari'basaka, nirurungang je'ne' anggoro'. Rasanna anjo koro'banga napakasannangi nyawaNa Batara.

MATIUS 27:50

Ammarrang lompomi pole Isa, nampa tappu' nyawaNa.

YOHANES 19:30

Nalepa'mi Isa anjo anggoroka nampa Nakana, “Le'ba'mi!” Nampa a'dundu Isa, natappu'mo nyawaNa.

ROMA 4:25

Anjo Isa le'ba'mi nipassareang untu' nibuno passabakkang dosa-dosata; nampa nipattallasa' poleang ammotere' ri Allata'ala, sollanta nisare oloang assibajiki ammotere' siagang Allata'ala.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.