IBRANI 7:11 - KITTA' MATANGKASA'

¹¹ Irawangang pimpinannai imang-imang Lewi nanipassareang hukkung agama Yahudia mae ri umma' Israelka. Lanri riolo, takkulleai nagaukang imang-imang Lewi sa'genna sukku' baji'na anjo jama-jamang musti nagaukanga ke'nanga, jari musti nia' imang maraeng, iamintu sangkammaya Imang Melkisedek; jari teaimi imang battu ri golonganna Harun.

IBRANI 7:11 ပူးပေါင်းရင်းမြစ်များ

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!

GALATIA 4:3

Sangkamma tommi anjo mae ri katte. Ri wattu tenanapa natoa pikkiranta, nipare' ataki' ri roh-roh niaka ilalang ri anne linoa.

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

IBRANI 5:10

kammayatompa nipa'nyatami ri Allata'ala angkana Iami a'jari Imang Malompo, antamaya sangkamma Imang Melkisedek!

IBRANI 5:6

Ri tampa' maraengannaya Nakana pole Allata'ala, “IKaumi Imang sa'genna satunggu-tungguna, sangkamma Imang Melkisedek.”

IBRANI 6:20

Le'ba'mi Nasungke Isa oloang mangea anjoreng ri tampaka untu' ikatte; siagang le'ba'mi antama' anjoreng a'jari Imang Malompota satunggu-tungguna lalang ri golonganna Imang Melkisedek.

IBRANI 7:10

Manna natenapa nanilassukangi Lewi, mingka akkullei nikana nia'mi lalang ri kalenna Abraham, iamintu boe-boena, ri wattunna assigappa Melkisedek siagang Abraham.

IBRANI 7:12

Jari, punna amminramo empoanna imang-imanga, musti amminra tommi hukkung-hukkung agama Yahudia.

IBRANI 7:13

Ia nipakkanaya anrinni iamintu Batarata: Ia battu ri suku maraeng; tena le'bakapi nia' manna sitau battu ri sukuNa anggaukangi jama-jamang imanga.

IBRANI 7:15

Anne apa nibicaraya a'jari pila' singara'mi pole, ri wattunna nia'mo battu sitau imang maraeng sangkamma Melkisedek.

IBRANI 7:21

Mingka Isa, ammakei sumpa ri wattunna niangka' a'jari imang, iamintu ri wattunna Nakana Allata'ala mae ri Ia, “Le'ba'mi assumpa Batara, siagang talamamminrayai ri kananNa, ‘IKaumi Imang satunggu-tungguna.’ ”

IBRANI 8:7

Ebara' angkana tena kakuranganna anjo janji makase'rea, tantu tenamo naparallu nipare' anjo janji makaruaya.

IBRANI 9:6

Kamma ngasemmi anjo batena niatoro'. Allo-allona imang-imanga antama' anjoreng ri bageang dallekanna anjo pammantangang nipaentenga, untu' anggaukangi jama-jamanna ke'nanga.