IBRANI 2:1 - KITTA' MATANGKASA'

¹ Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.

IBRANI 2:1 ပူးပေါင်းရင်းမြစ်များ

1 PATTOTTORANG 22:13

Punna nuturuki sikontu hukkung Napassareanga Batara ri Musa untu' bansa Israel, la'wasselekko. Paralluko matappa' siagang barani. Teako mallakki andallekangi manna pole apa mamo.

PAMMUJI 119:9

Tau rungkaya akkullei najagai tallasa'na natena callanna punna attallasaki situru' parentaTa.

PANGNGEBARANG 3:21

Lanri kammana anjo, anna'galakko mae ri kacara'dekanga siagang mae ri tangara' bajika, na'! Tea sikaliko lappassangi,

HABAKUK 1:6

Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

MATIUS 16:9

Tena ngasempa nupahangi? Tena nuu'rangi anjo roti limambatua le'baka nipa'bage-bageang, ri limassa'bua tau jaina? Pirang baku' tassesa le'ba' nupasse're?

MARKUS 8:18

Nia' ngaseng matannu, angngapa natena nuccini'? Nia' tolinnu, angngapa natena nullangngere'? Tenamo nuu'rangi

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

LUKAS 9:44

“Pilangngeri baji'-baji', siagang teako kaluppai anne kana-kanangKu: Lanipassareangi Ana' Ma'rupataua mae ri koasana rupataua.”

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.

PAOLE 4:23

U'rangi baji'-baji'! Teako takkaluppai ri parjanjiang Napareka Karaeng Allata'alanu siagang ikau ngaseng! Turuki parentaNa; tea' laloko appareki patung manna pole antekammaya tanja'na untu' nusomba,

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

IBRANI 12:5

Siagang teako kaluppai pappakainga'Na Allata'ala, ia Napassareanga mae ri kau sangkamma mae ri ana'-ana'Na! Nakana Allata'ala, “AnakKu, parhatikangi baji'-baji' pangngajara'Na Batara, nutea la'ba' pa'maiki punna Nakalarroiko.

2 PETRUS 1:15

Jari lakuusahai sollanna manna pole matema', tuli lanuu'ranginna ammotere' yangasenna anne passalaka.

2 PETRUS 3:1

Sikamma sari'battangku sannaka kukarimangnginna! Iaminne surakku makaruaya mae ri kau. Lalang ri anjo surakku ruaya, kuusahakammi ampabangungi pikkirang-pikkirang annabaya lalang ri kalennu.