IBRANI 12:27 - KITTA' MATANGKASA'

²⁷ Bicara angkanaya “sikalipi pole” Napa'nassai angkanaya lanigoccangi siagang lanipelaki sikontu lino le'baka nipare', sa'genna ia mami ammantang sikamma tenaya nakkulle ta'goccang.

IBRANI 12:27 ပူးပေါင်းရင်းမြစ်များ

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YESAYA 65:17

Nakana Batara, “LaKupa'jari langi' berua siagang butta berua. Sikamma kajariang rioloa lanikaluppai siagang talaniu'rangiami.

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.

YEHEZKIEL 21:27

Anne kotaya laKuancuru' taba sikali, sa'genna kemae-kemae nia' loro-loro. Mingka anjo passalaka nampami kajariang punna anjo tau Kupilea untu' anghukkungi anne kotaya battumi. Mae ri ia laKupassareang anne kotaya.’ ”

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

ROMA 8:19

Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.

ROMA 8:21

angkanaya nia' se're wattu nanilappassang sikontu linoa battu ri kakoasang ammanrakia siagang lamminawang tongi lanipamaradeka kammayatompa lanipakala'biri' siagang ana'-ana'Na Allata'ala.

1 KORINTUS 7:31

siagang inai-nai jai urusanna ri passala'na pakkalinoanga, sanrapangi tau tenaya najampangi anjo passalaka. Nasaba' tasalloami anne linoa niaka nicini' ri kamma-kammaya anne lalanynya' ngasengi.

IBRANI 1:10

Nakana pole Allata'ala, “Ikau Batara, uru-uru ampa'niaki buttaya siagang KalenNu ampareki langika.

IBRANI 13:14

Nasaba' tena pammantanganta untu' satunggu-tungguna ri lino; ikatte a'boyaki' pammantangang untu' labattua.

IBRANI 9:11

Mingka nia'mi battu Almasi a'jari Imang Lompo ri yangasenna passala' kabajikang niakamo. KemaNa Batara Napammantangia anggaukangi jama-jamanNa salaku Imang Lompo, la'bi lompoangangi siagang la'bi sukkukangangi. Naanjo teai rupataua ampareki; battuanna, teai anne lino nipa'niaka assala'na.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 21:1

Nampa nia'mo kucini' langi' beru siagang lino beru. Tenami langi' uru-urua siagang lino uru-urua; kammayatompa tamparanga lanynya' tommi.

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”

PAPPICINI' 21:5

Nampa Nakanamo anjo niaka ammempo irate ri empoang kala'biranga, “Kamma-kamma anne Kupa'jari beru ngasemmi sikontu apa-apa niaka!” Nakana pole ri nakke, “Tulisiki anne, nasaba' sikamma anne kana-kanaya sangnging kana tojeng siagang siratangi nipatappa'.”