IBRANI 12:23 - KITTA' MATANGKASA'

²³ Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.

IBRANI 12:23 ပူးပေါင်းရင်းမြစ်များ

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.

PAMMUJI 69:28

Boli'mi kamma pila' katambang kasalanna ke'nanga; teaKi' pattojengi ke'nanga.

PAMMUJI 89:27

Lanakana ri Nakke, ‘IKattemi Manggeku, Allata'alaku, Pa'la'langangku siagang Tumappasalamakku.’

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

PAMMUJI 94:2

Ammenteng maKi', o, Hakinna sikontu linoa, Kiadelimi tau tampoa situru' panggaukanna ke'nanga.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

KALAPPASSANG 13:2

“Sikontu ana'-ana' bura'ne bungasaka passareangi ri Nakke. Sikontu ana'-ana' bura'ne bungasa'na Israel, siagang sikontu olo'-olo' laki bungasaka lassu', iNakke ngaseng pata.”

KALAPPASSANG 32:32

Poro Kipammopporang laloi dosana ke'nanga; punna tena, lu'lu'mi arengku battu kitta'na sikamma tau attallasaka.”

KALAPPASSANG 4:22

Nampa paumi ri anjo karaenga angkanaya iNakke, Batara, appasang kamma anne: ‘Anjo Israel ana' toaKu,

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

LUKAS 10:20

Mingka manna nakamma mamo, teako rannu dudui punna amminawammo roh-roh ja'dalaka ri parentanu. Bajikangangi punna rannuko lanri tattulisi'mi arennu lalang ri suruga.”

YOHANES 5:27

Nasaremi koasa Ana'Na untu' angngadeli rupataua, nasaba' Iami Ana' Ma'rupataua.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

1 KORINTUS 15:49

Sangkamma todong ri kamma-kammaya anne sanrapangki' Adam buttaya assala'na, kamma tomminjo sallang la'jari sanrapang tommaki' anjo battua ri suruga.

1 KORINTUS 15:54

Punna nisambeimo tubu akkullea mate siagang tubu tenaya nakkulle mate, siagang anne tubu battua ri lino nisambeimi siagang tubu battua ri suruga, anjo wattua nampami kajariang apa niaka tattulisi' lalang ri Kittaka angkanaya, “Le'ba'mi nipattaena kamateanga; nigappami ammetaya!”

2 KORINTUS 5:8

iaminjo saba'na nakisa'bara' ri pa'maitta. Erokangangki' ta'lappasaka battu ri anne tubua, sollanna nikkulle sipammantangang siagang Batara.

EFESUS 1:22

Le'ba'mi Napakkulantu' ngaseng Allata'ala irawangang kakoasanNa Almasi; nampa Napa'jari Kapalamo Almasi irateanganna sikontu jama'aka.

PAOLE 21:17

Musti nasarei bageang a'lappi rua battu ri pa'barang-barangnganna mae ri ana' bura'ne toaya, manna pole naanjo anaka teai ana' battu ri baine nikamaseanna. Ha'na ana' toaya musti niakui ri manggena, siagang anjo ana' toaya musti nisarei warisang a'jaria' ha'na situru' hukkunga.”

FILIPI 4:3

Kupala' tongi mae ri sikamma bela majarrekku, sollanna nubantu anjo baine ruaya. Le'ba'mi ke'nanga anjama terasa' siagang inakke untu' ambirittakangi Kabara' Baji' battua ri Allata'ala; sangkamma Klemen siagang sikamma sari'battang maraengannaya kuaganga ngaseng sipanjamang. Nia'mi areng-arenna ke'nanga tattulisi' lalang ri Kitta'na Tau Attallasaka.

KOLOSE 1:12

kammayatompa appala' sukkuru' mae ri Manggea. Nasaba' iaminjo Manggea ampa'jari siratangko antarimai apa le'baka Napasadia Allata'ala untu' umma'Na lalang ri kakaraengang singaraka.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

1 TIMOTIUS 3:5

Nasaba' punna tanaassenga taua angngatoroki tubone balla'na, antekamma batena lakkulle angngatoroki jama'aNa Allata'ala?

IBRANI 11:4

Lanri tappa'na, nanapassareang Habel koro'banga mae ri Allata'ala, iamintu koro'bang bajikanganga na koro'bang napassareanga Kain. Lanri ia anjo tappa'na, nanitarimamo Habel ri Allata'ala a'jari tau baji'; nasaba' ma'nassami angkana nitarimai ri Allata'ala koro'banna. Matemi Habel, mingka lanri anjo tappa'na, tuli a'bicarana ija sa'genna kamma-kamma anne.

IBRANI 11:40

nasaba' nia' ero' Nagaukang Allata'ala mae ri katte, ia la'bi bajikanganga. Ia eroka Nagaukang iamintu punna tena nasipa'rurungang ke'nanga siagang ikatte, takkulleai ke'nanga a'jari sukku' baji'na.

IBRANI 2:12

Nakana Isa mae ri Allata'ala, “LaKubirittakangi mae ri sikamma sari'battangKu ri sesena iKatte. LamammujiA' mae ri Katte ri tangnga-tangngana passe're-se'reanna ke'nanga.”

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.

PAPPICINI' 6:11

Nampa massing nisare ke'nanga silawara' juba kebo'. Le'baki anjo nisuromi ke'nanga ammari-mari sinampe', sa'genna angganna'mo jaina sikamma julu sipanjama-jamanna ke'nanga siagang sikamma sari'battanna ke'nanga, lanibunoa todong sangkamma ke'nanga.

PAPPICINI' 6:9

Le'baki anjo Nareppe'mi anjo Ana' Gimbalaka segele' makalimaya. Kucini'mi irawanganna anjo tampa' koro'banga nyawana ngaseng anjo tu nibunoa lanri najarrekinna anjo biritta battua ri Allata'ala tete ri kasa'bianna ke'nanga.