IBRANI 11:38 - KITTA' MATANGKASA'

³⁸ Anne linoa teai tampa' siratang mae ri ke'nanga. Mangei ri parang lompoa ke'nanga siagang bulu'-buluka, nammantang lalang ri kali'bong batua yareka kali'bong buttaya.

IBRANI 11:38 ပူးပေါင်းရင်းမြစ်များ

1 KARAENG-KARAENG 17:3

“Bokoi anne tampaka, nampa a'lampako anrai' ri ba'leanna Binanga Yordan nampa accokkoko anjoreng rampi'na pangka Binanga Kerit.

1 KARAENG-KARAENG 18:13

Apaka tenapa kilangngereki angkanaya ri wattunna nabuno Izebel na'bi-na'biNa Karaeng Allata'ala, nia' le'ba' kucokko 100 tau battu ri ke'nanga – 50 tau lalang se're kali'bong ri batua – siagang kusarei ke'nanga kanre siagang je'ne' inung?

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 19:9

A'bangngimi Elia anjoreng lalang ri se'reang kali'bong batu. Nampa Nakanamo Batara ri ia, “Elia, apa nupare' anrinni?”

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

YEREMIA 41:9

Anjo bungunga iamintu bungung lompo napare' Karaeng Asa ri wattunna nibunduki ri Baesa karaeng Israel.

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

1 SAMUEL 22:1

Nampa nabokoi Daud kota Gat na mange accokko ri se'reang kali'bong ri ampi'na kota Adulam. Ri wattunna sikamma daenna siagang kaluargana nalangngereki angkana niaki anjoreng, battumi ke'nanga mae ri ia.

1 SAMUEL 23:15

Mingka manna nakamma malla' tonji Daud, lanri ero'na Saul ambunoi. Ri se'reang wattu niaki Daud ri Hores, ri parang lompo Zif.

1 SAMUEL 23:19

Nampa nia'mo siapa are tu Zif mange andallekang ri Saul ri Gibea na nakana, “Niaki Daud accokko ri daerana ikambe, ilalang ri kali'bong-kali'bong ri ampi'na Hores, irate ri Bonto Hakhila timboranna parang lompona Yehuda.

1 SAMUEL 23:23

Jari paressa baji'-bajiki sikamma kali'bong le'baka napaccokkoi, nampa ammoterekko mae sallang untu' allaporoki mae ri nakke. Nampa la'lampa' siagang ikau ngaseng, siagang punna nia' iji ri anjo daeraya, mattantu lakuboyai, manna pole namusti kupasimbung sikontu Yehuda!”

1 SAMUEL 26:1

Ri se'reang allo, nia'mo siapa are tau battu ri Zif battu mange ri Saul ri Gibea na napauang angkanaya niaki Daud accokko ri Moncong Hakhila ri birinna parang lompona Yehuda.