IBRANI 11:37 - KITTA' MATANGKASA'

³⁷ Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.

IBRANI 11:37 ပူးပေါင်းရင်းမြစ်များ

2 SAMUEL 12:31

Pantaranganna anjo nierammi pandudu'na, siagang nisuroi angngerang garagaji, bingkung bassi, pangkulu' bassi, nampa nipajama ke'nanga ri tampa' papparekang batu bataya. Kamma tomminjo nagaukang mae ri pandudu'na kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

1 KARAENG-KARAENG 18:13

Apaka tenapa kilangngereki angkanaya ri wattunna nabuno Izebel na'bi-na'biNa Karaeng Allata'ala, nia' le'ba' kucokko 100 tau battu ri ke'nanga – 50 tau lalang se're kali'bong ri batua – siagang kusarei ke'nanga kanre siagang je'ne' inung?

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 19:1

Nacaritami Karaeng Ahab mae ri bainenna, sikontu apa le'baka nagaukang Elia, kammayatompa antekamma batena Elia ambuno ngasengi sikontu na'bi Baal.

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

1 KARAENG-KARAENG 19:13

Nalangngere'na Elia anjo sa'raya, natongko'mi rupanna siagang jubana, nampa assulu' ammenteng ri bawana anjo kali'bong batua. Nia'mo kalangngerang sa'ra angkana, “Elia, apa nupare' anrinni?”

1 KARAENG-KARAENG 19:14

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Narumbangi tampa'-tampa' pakkoro'bangnganTa siagang nabunoi na'bi-na'biTa. Inakke mami bawang tassesa, siagang kamma-kamma anne eroki ke'nanga ambunoa'!”

1 KARAENG-KARAENG 19:19

Jari a'lampami Elia na nagappa Elisa sitabang anjama appa'jeko. Nia' sampulo anrua ayoka sapi ri dallekanna, na Elisa kale-kalenna appa'jeko ri ayoka ri boko dudua. Ammalona Elia ri ampi'na Elisa, nasungkemi jubana Elia nampa napataba ri salangganna Elisa.

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

2 KARAENG-KARAENG 1:8

Appialimi ke'nanga angkana, “Jubana siagang passikko' aya'na battu ri kukkulu' nipare'.” Angkanami karaenga angkana, “O, anjo Elia!”

2 KARAENG-KARAENG 2:13

Nampa narappung jubana Elia tu'guruka. Le'baki anjo ammotere'mi nampa ammenteng ri birinna Binanga Yordan,

2 KARAENG-KARAENG 2:8

Nala'gasimi jubana Elia, nampa nagulung siagang napatunrung ri tompo'na je'neka ri anjo binangaya. Nata'bage ruamo anjo je'neka, sa'genna akkullemo Elia siagang Elisa a'jappa ri dapara'na kalotoroka anjo binangaya.

1 PATTOTTORANG 20:3

Nampa naerang a'lampa pandudu'na anjo kota Raba, nanapajama ke'nanga untu' a'garagaji, ammingkung siagang ammangkulu'. Kamma tomminjo nagaukangi kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

2 PATTOTTORANG 24:21

Mingka assikongkolo'mi ra'yaka untu' angngewai Zakharia, siagang Karaeng Yoas amminawang tongi lalang ri anjo passikongkolanga. Tenamo nau'rangi jasa-jasana siagang pa'mai' tamamminrana Yoyada, manggena Zakharia. Naparentakangi karaenga sollanna nisambilai batu Zakharia sa'genna mate ri paranglakkeng Balla'Na Batara. Ri wattunna lamatemo Zakharia, akkio'mi angkana, “Dasi-dasi naNacini' Batara anne panggaukannu nampa Nabalasa' mae ri kau!”

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YEREMIA 26:23

Nampa naerang ke'nanga ammotere' anjo Uria mange ri Karaeng Yoyakim. Nampa nasuro buno karaenga anjo Uria, na napela' maya'na ri pa'jerakkang tau jaia.

ZAKHARIA 13:4

Ri anjo alloa, sikamma na'bia lasiriki untu' anggaukangi gau' na'bia. Tena nalammake na'bi ke'nanga untu' annipu siagang ampattampoangi sikamma paccini'na.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

MATIUS 21:35

Mingka battuna mange anjo palayanna patanna koko, nijakkala'mi ke'nanga ri anjo pajama kokoa. Nia'mo naba'ji, nia'mo nasambila batu, siagang nia' tommo nibuno ri ke'nanga.

MATIUS 3:4

Anjo Yohanes bulu unta pakeanna. Kukkulu' passikko' aya'na, na katimbang siagang bani romang napare' kanre.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

LAMPA-LAMPANA 14:19

Nia'mo siapa are tu Yahudi battu ri Antiokhia ri daera Pisidia siagang battu ri Ikonium mange ri Listra. Napangaruimi tau jaia sa'genna ammenteng mae ri ke'nanga tau jaia. Nasambilami ke'nanga batu Paulus nampa nare'resang assulu' ri pantarangang kota. Nakapangi ke'nanga angkana matemi Paulus.

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

IBRANI 11:25

Nangaiangangi angkasiaki sessaya siagang umma'Na Allata'ala naia angkasiaki kasannanganga poro untu' sinampekang lalang ri katallassang kadorakanga.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”