IBRANI 11:36 - KITTA' MATANGKASA'

³⁶ Nia' nicau-cau, nicambo', nisikko' rante nampa nipantama' ri tarungkua.

IBRANI 11:36 ပူးပေါင်းရင်းမြစ်များ

PA'JARIANG 39:20

Na naparentakammo sollanna nijakkala' linta' Yusuf nampa nipantama' ri tarungkua, tampa'na tahananna sikamma karaenga nikurung.

1 KARAENG-KARAENG 22:24

Jari majumi Na'bi Zedekia nampa a'reppese' ri Mikha na natempa ka'rang rupanna siagang nakana, “Antekamma olona laNabokoia' RohNa Batara nampa a'bicara ri kau?”

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

2 KARAENG-KARAENG 2:23

Le'baki anjo a'lampami Elisa battu ri Yerikho mange ri Betel. Ri tangngana aganga nia'mo siapa are ana'-ana' assulu' battu ri kotaya ancau-caui. Akkio'-kioki ke'nanga angkana, “He, ulu pe'da', ulu pe'da', a'lampako anrinni!”

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

2 PATTOTTORANG 18:26

Suroi ke'nanga ampantamaki ri tarungkua. Sike'de'mo kanre siagang je'ne' sareangi sa'gengku ammotere' siagang salama'.”

2 PATTOTTORANG 30:10

Ri wattunna a'lampa anjo sikamma tunisuroa battu ri se'reang kota mae ri kota maraengannaya ri daera suku Efraim siagang Manasye sa'genna wara' ri daerana suku Zebulon, nikakkali siagang nihina-hinai ke'nanga.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

YEREMIA 20:2

naparentakammi sollangku nitunrung siagang niepong ri Pakke'bu' Lompo Benyamin, pakke'bu' lompo bageang ratena Balla'Na Batara.

YEREMIA 20:7

Batara, iKatte anynyonyokka' siagang inakke le'ba'ma' ninyonyo'. IKatte la'bi gassingKi' nainakke siagang le'ba'ma Kipadundu. Nicau-caua' ri tunggala' taua, nihina battu ri bari'basa' sa'genna karueng.

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.

YEREMIA 32:8

Nampa kamma le'ba' Napaua Batara, battumi Hanameel mae ri nakke ri parang lakkenna balla' karaenga, siagang napala' sollanna kuballi tampa'na. Lanri kammana, tappa' tojemma' angkanaya le'ba' tojemmi a'bicara Batara ri nakke.

YEREMIA 36:6

Lanri kammana anjo, punna narapi' sallang allonna appuasa taua, musti a'lampako mange anjoreng, nampa nubaca nulompoi sa'rannu sikontu anjo kusuro tulisika mae ri kau, sollanna nalangngere' ngaseng ke'nanga apa Napaua Batara mae ri nakke. Gaukangi anjo kammaya ri tampa' akkullea nalangngere' ngasengko tau niaka lalang ri Balla'Na Batara, kammayatompa tu Yehuda battua ri kota-kotana ke'nanga.

YEREMIA 38:28

Tulusu' nitahangku ri paranglakkenna balla' karaenga sa'genna narapi' allonna nialle Yerusalem ri musua.

YEREMIA 39:15

Ri wattungku nitarungku ija ri paranglakkenna balla' karaenga, Nasuroa' Batara,

DANIEL 11:33

Sikamma tau cara'de' ampimpingai ra'yaka lajai tau napa'jari pahang. Mingka untu' siapa are sallona, nia' siapa are ri ke'nanga lanibuno lanri pa'bundukang yareka lanri pepe', siagang siapa are maraengannaya laniellaki siagang lanitahangi.

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MATIUS 21:35

Mingka battuna mange anjo palayanna patanna koko, nijakkala'mi ke'nanga ri anjo pajama kokoa. Nia'mo naba'ji, nia'mo nasambila batu, siagang nia' tommo nibuno ri ke'nanga.

MATIUS 23:34

Pilangngerimi baji'-baji': LaKusuroi battu ri kau na'bi-na'bia, tu cara'deka, siagang guru-gurua; na nia'mo ri ke'nanga nubuno, nia' tommo nusalli'. Nia' nusessa lalang ri balla' sambayanga, na nia' tommo nuondang mange-mange ri kota-kotaya.

MATIUS 27:26

Nalappassammi Pilatus anjo Barabas. Nampa nasuro taua ancamboki Isa; nampa napassareang nierang mange nisalli'.

MARKUS 10:34

Lanipare' kare'-karenangi ri ke'nanga, nipi'rui, nisessai, nampa nisalli' ri ke'nanga. Mingka ri makatalluna alloa, lattallasa' poleangi.”

LUKAS 18:32

Lanipassareangi mae ri tu kapereka, lanipare' kare'-karenangi ri ke'nanga.

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.

LUKAS 23:36

Sikamma surudadua amminawang turu' tommi ancau-caui Isa. Battumi ke'nanga assarei Isa anggoro' kacci;

LAMPA-LAMPANA 21:33

Mangemi anjo komandanga ri Paulus nampa najakkala', nampa nasuro taua ansikkoki limanna. Le'baki anjo akkuta'nammi anjo komandanga angkana inai tau anjo Paulus, siagang apa le'ba' nagaukang.

LAMPA-LAMPANA 24:27

Ruan taungi sallona, nisambeammi Feliks ri Perkius Festus a'jari Guburnur. Na lanri ero'na Feliks angngallei pa'mai'na tu Yahudia, natahang tulimi Paulus lalang ri tarungkua.

LAMPA-LAMPANA 4:3

Nijakkala'mi Petrus siagang Yohanes ri ke'nanga, nampa nipantama' ri tarungkua. Nitahammi Petrus siagang Yohanes anjoreng sa'genna ammukona, lanri anjo wattua bangngimi.

LAMPA-LAMPANA 5:18

Nijakkala'mi anjo sikamma tunisuroNa Allata'ala nampa nipantama' ri tarungku lompoa.

LAMPA-LAMPANA 5:40

Jari nikio'mi anjo sikamma tunisuroNa Allata'ala. Nicambo'mi nampa nipisangkai pole ke'nanga angngajara' lalang arenNa Isa. Le'baki anjo, nampami nilappassang ke'nanga.

LAMPA-LAMPANA 8:3

Mingka tuli usahaji pole Saulus ansessai jama'aka. A'lampai ri tasse're-se'reang balla', nanare'resang ngaseng assulu' tau tappaka. Nampa napantama' ke'nanga ri tarungkua.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

EFESUS 4:1

Iaminjo saba'na nainakke anne tu nitarungkua lanri kulayanina Batara, kupala' dudui ri kau ngaseng: bajikimi empoang tallasa'nu situru' empoannu salaku tu le'bakamo nikio' ri Allata'ala.

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

IBRANI 10:34

Siagang amminawang tongko ampisa'ringi si'nana tau nitarungkua. Siagang ri wattunna nialle passa apa-apannu, nupassareangi siagang sannang pa'mai'. Nasaba' nuassengi angkanaya nia' ijapa ri kau apa la'bi bajikanganga, akkullea attahang sa'genna satunggu-tungguna.

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.