IBRANI 11:35 - KITTA' MATANGKASA'

³⁵ Lanri tappa'na sikamma tubainea nanagappamo ammotere' sikamma taunna le'bakamo mate. Nia' tommo ampassareangi kalenna nisessa sa'genna mate; taerokami nilappassang, lanri ero'na nipattallasa' poleang nanagappa katallassang la'bi bajikanganga.

IBRANI 11:35 ပူးပေါင်းရင်းမြစ်များ

MATIUS 22:30

Nasaba' punna attallasa' poleangi sallang tau matea, tenamo nala'bunting poleang ke'nanga. Passangalinna lakammami ke'nanga malaekaka ri suruga.

MARKUS 12:25

Nasaba' punna attallasa' poleang tau matea, tenamo nala'bunting pole. Passangalinna lattallasa' kamma mami malaekaka ri suruga.

LUKAS 14:14

Lanibarakkaki mako, nasaba' takkulleai nabalasa' ke'nanga kabajikannu. Mingka laNabalasaki Allata'ala anjo kabajikannu ri wattunna napabangung poleang tau bajika battu ri kamateanga.”

LUKAS 20:36

Lasangkammami malaeka' siagang talamateami ke'nanga. La'jarimi ana'-ana'Na Allata'ala ke'nanga, nasaba' nipattallasa' poleammi ke'nanga battu ri kamateanga.

YOHANES 5:29

nampa assulu' ke'nanga battu lalang ri jeraka. Na inai-nai le'ba' a'gau' baji', lambangung poleangi untu' attallasa'. Mingka inai-nai le'ba' a'gau' ja'dala' lambangung poleangi untu' nihukkung.”

LAMPA-LAMPANA 22:29

Anjo wattua ammono'boko ngasemmi anjo tantara eroka amparessai Paulus. Kammayatompa anjo komandanga a'jari malla' tommi lanri le'ba'namo nasikko' Paulus, padahala' anjo Paulus bansa Roma paleng.

LAMPA-LAMPANA 23:6

Naciniki Paulus angkanaya anjo anggota-anggota pangadelanga nia' sitangnga tu Saduki na sitangngana maraenganga tu Farisi. Lanri kammana, nakanamo mae ri ke'nanga, “Sikamma sari'battanga! Inakke anne tu Farisia', nasaba' sossorang tu Farisia'. Nakuniadeli anrinni passabakkang tappaka' angkanaya lattallasa' poleangi ammotere' tau matea.”

LAMPA-LAMPANA 24:15

Sangkamma ke'nanga, inakke tappa' tonja' mae ri Allata'ala, angkanaya sikontu tau matea lattallasa' poleangi ammotere' – iamintu sikamma tau bajika kammayatompa sikamma tau ja'dalaka!

LAMPA-LAMPANA 4:19

Mingka appialimi Petrus siagang Yohanes angkana, “Pikkiri'mi ri kalennu ngaseng, angkanaya kereanga annaba ri dallekanNa Allata'ala: parentanu nituruki, yareka parentaNa Allata'ala.

LAMPA-LAMPANA 9:41

Nampa nata'gala' Petrus limanna nanatulung ammenteng. Le'baki anjo nakio'mi Petrus sikamma tau tappa' niaka anjoreng siagang sikamma anjo janda-jandaya, nampa napassareang Dorkas le'bakamo attallasa' poleang, mae ri ke'nanga.

1 KORINTUS 15:54

Punna nisambeimo tubu akkullea mate siagang tubu tenaya nakkulle mate, siagang anne tubu battua ri lino nisambeimi siagang tubu battua ri suruga, anjo wattua nampami kajariang apa niaka tattulisi' lalang ri Kittaka angkanaya, “Le'ba'mi nipattaena kamateanga; nigappami ammetaya!”

FILIPI 3:11

Siagang kuminasai angkanaya kalengku lanipabangung tonga' ammotere' battu ri kamateanga.