IBRANI 11:32 - KITTA' MATANGKASA'

³² Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

IBRANI 11:32 ပူးပေါင်းရင်းမြစ်များ

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

MATIUS 5:12

Kasukkurangi siagang karannuangi, nasaba' lompoangangi pahala lanutarimaya sallang battu ri Allata'ala. Kamma tomminjo batena nisessa na'bi-na'bi le'baka battu rioloangannu.”

LUKAS 13:28

Ri wattunna nucini' Abraham, Ishak, siagang Yakub kammayatompa na'bi-na'bia a'rannu-rannu lalang ri Lino BeruNa Allata'ala, langngarru' mako siagang lasessa mako, nasaba' lanibongka mako ikau assulu'!

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

YOHANES 21:25

Jai iji apa-apa maraeng Nagaukanga Isa. Mingka ebara' angkana lanitulisi' ngasengi anjo tasse're-se're, kupikkiriki angkanaya manna sibatu anne linoa tena tompa nalaganna' lanipammonei sikontu anjo kittaka punna lanitulisi' ngasengi anjo passalaka.

LAMPA-LAMPANA 10:43

Sikontu na'bi-na'bia, le'ba' ngasemmi nabicara riolo anjo passalaka. Nakana ke'nanga, sikamma tau tappaka ri Isa lanipammopporangi dosa-dosana, lanri kakoasanNa Isa.”

LAMPA-LAMPANA 13:20

Yangasenna anjo patambilangngang allimampulo taung sallona kajariang. Le'baki Nabage Allata'ala anjo butta Kanaan mae ri ke'nanga, Nasaremi ke'nanga haking-haking a'jari pamimpinna ke'nanga. Haking kala'busanga iamintu Na'bi Samuel.

LAMPA-LAMPANA 3:24

Sikamma na'bi-na'bi le'baka ampabattui kabara' battua ri Allata'ala, iamintu appakkaramula battu ri Na'bi Samuel sa'genna na'bi-na'bi maraengannaya ribokoanganna, le'ba' ngasemmi nakabarrang apa-apa lakajarianga ri anne jammanga.

ROMA 3:5

Mingka punna pila' a'nyatamo kaadelanNa Allata'ala, lanri nigaukanna apa-apa tenaya nannaba, apami lanikana? Angkanaya tena Naadele' Allata'ala punna Nahukkungki'? (Memang siratangi anne pakkuta'nang kammaya situru' pikkirang linota.)

ROMA 4:1

Jari punna kamma, apa lanikana ri passala'na Abraham, boena bansata? Antekamma pangalamanna?

ROMA 6:1

Jari punna kamma, apamo lakkulle nikana? Jari musti tuli nigaukammi dosaya sollanta pila' nikamaseang ri Allata'ala?

ROMA 7:7

Jari punna kamma, apamo lanikana? Lanikana ja'dalaki anjo hukkung-hukkung agama Yahudia? Tantu tena! Mingka iaminjo hukkung-hukkunga angngajarakki' angngassengi nikanaya dosa. Takuassengai angkana apa anjo nikanaya angngoa, ka'de' tena nanakana anjo hukkung agamaya, “Teako angngoai.”

YAKOBUS 5:10

Sikamma sari'battangku, u'rangi na'bi-na'bi a'bicaraya lalang arenNa Batara. Sa'baraki ke'nanga angkasiaki kasessanga. Jari angngalle mako conto mae ri ke'nanga.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

2 PETRUS 3:2

Kukellaiko sollanna nuu'rangi kana-kana le'baka napau na'bi-na'biNa Allata'ala riolo, siagang apa Napassuroanga Batara, Karaeng Mappasalamatta, ia napabattua sikamma tunisuroNa mae ri kau.

HAKING-HAKING 13:24

Siapa are bulang ribokoanganna, ammana'mi sitau bura'ne anjo bainenna Manoah. Nampa naareng Simson anjo anaka. A'bakka'mi a'jari lompo anjo anaka, na nibarakkaki ri Batara.

HAKING-HAKING 15:20

Ruampulo taungi sallona Simson ampimpingi umma' Israel ri wattunna nikoasai ke'nanga ri tu Filistin.

HAKING-HAKING 4:1

Ri matenamo Ehud, dorakami pole bansa Israel mae ri Batara.

HAKING-HAKING 6:1

Sikalipi pole, dorakamiseng umma' Israel mae ri Batara. Sa'genna nibalang parekang ke'nanga nikoasai ri bansa Midian tuju taung sallona.

HAKING-HAKING 6:11

Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

HAKING-HAKING 6:14

Jari nisaremi parenta Gideon ri Batara, angkanaya “Lalang ri sikontu kagassingannu a'lampamako mange allappassangi tu Israelka battu ri kakoasanna tu Midian. INakkemi assuroko.”

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”

1 SAMUEL 12:11

Nampa Nasuromo Batara battu Gideon, nampa Barak, le'baki anjo Yefta, nampa kala'busanna inakke minne. Ikambemi massing allappassangko battu ri musunnu, sa'gennu tuli akkulle attallasa' siagang amang.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

1 SAMUEL 17:45

Mingka appialimi Daud angkana, “Battuko mae angngewa' siagang pa'dang siagang poke kammayatompa paccoka, mingka inakke battua' angngewako lalang arenNa Batara Kaminang Koasaya, Allata'alana anjo tantara Israel nuhinaya.

1 SAMUEL 2:11

Nampa ammotere'mo Elkana siagang kaluargana mange ri Rama. Mingka Samuel, anjo anaka, ammantammi ri Silo siagang allayani Batara nipimping ri Imang Eli.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

1 SAMUEL 2:4

Tepo'mi panana turewaya, mingka pila' kassa'mi tau lammaya.