IBRANI 10:34 - KITTA' MATANGKASA'

³⁴ Siagang amminawang tongko ampisa'ringi si'nana tau nitarungkua. Siagang ri wattunna nialle passa apa-apannu, nupassareangi siagang sannang pa'mai'. Nasaba' nuassengi angkanaya nia' ijapa ri kau apa la'bi bajikanganga, akkullea attahang sa'genna satunggu-tungguna.

IBRANI 10:34 ပူးပေါင်းရင်းမြစ်များ

KATO'BA 3:6

Allata'ala ampattantui wattu anggappaya siagang wattu kapelakkanga, wattu ammoli' siagang wattu a'labo,

MATIUS 19:21

Akkanami pole Isa ri ia, “Punna ma'nassa erokko a'jari tau ganna', a'lampamako ambalukang ngasengi barang-barannu. Passareammi ballinna mae ri tu kasi-asia, nama'nassa lanugappamo sallang pa'barang-barangang niaka ri suruga. Punna le'ba'mo nugaukang anjo kammaya, battu mako mae amminawang ri Nakke!”

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

LUKAS 12:33

Balukammi barang-barannu, nampa nupassareang ballinna mae ri tu kasi-asia. Appare' mako pammoneang doe' tenaya nalatoa, iamintu barang-barang lanibolika ri suruga. Anjo barang-baranga takkulleai tappela', nasaba' takkulleai nilukka' ri palukkaka, siagang takkulleai nipanraki ri kacoaka.

LUKAS 9:25

Nasaba' apa matu-matunna nakammai taua bonena anne linoa punna lapanraki siagang latappela'ji nyawana?

LAMPA-LAMPANA 21:33

Mangemi anjo komandanga ri Paulus nampa najakkala', nampa nasuro taua ansikkoki limanna. Le'baki anjo akkuta'nammi anjo komandanga angkana inai tau anjo Paulus, siagang apa le'ba' nagaukang.

LAMPA-LAMPANA 28:20

Jari iaminjo saba'na nakuero' angngagang ngasengko assibuntulu' siagang angngagang ngasengko a'bicara. Nasaba' iaji nanisikkoka' kapassabakkang Karaeng Mappasalama' salloamo naminasai bansa Israel.”

LAMPA-LAMPANA 5:41

A'lampami anjo sikamma tunisuroNa Allata'ala ambokoi anjo sidang Pangadelang Agamaya. Sanna' ngaseng rannuna ke'nanga, lanri nipassiratammi ri Allata'ala ke'nanga angkasiaki paccallaya, lanri arenNa Isa.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

EFESUS 4:1

Iaminjo saba'na nainakke anne tu nitarungkua lanri kulayanina Batara, kupala' dudui ri kau ngaseng: bajikimi empoang tallasa'nu situru' empoannu salaku tu le'bakamo nikio' ri Allata'ala.

EFESUS 6:20

Passala' iaminjo Kabara' Bajika nakua'jarimo se're tunisuro, niaka kamma-kamma anne lalang ri tarungkua. Pappala' doanganga', sollangku barani ambicarai anjo Kabara' Bajika, situru' apa siratanga lakubicara.

FILIPI 1:7

Tuli nia'nu ngaseng lalang ri atingku. Memang siratangi punna kammai anjo nyawaku mae ri kau ngaseng. Nasaba' le'ba' ngaseng tommako annarima siagang inakke iamintu passare malammoro' Napassareanga Allata'ala mae ri nakke; baji' na ri kamma-kammaya anne, iamintu ri wattungku nia' lalang ri tarungkua, kammayatompa pole ri wattungku nia' pantara' untu' angngalleangangi siagang ampamentengangi anjo Kabara' Bajika.

KOLOSE 1:5

Tappa' mako siagang mangngamaseang mako, nasaba' nurannuammi apa Napasadiaya Allata'ala ri suruga untu' ikau. Le'ba'mi nulangngere' anjo kabaraka, ri wattunna nipabattu Kabara' Baji' tojenga battua ri Allata'ala mae ri kau.

1 TIMOTIUS 6:19

Lalang kammana anjo, napasse'remi ke'nanga pa'barang-barangang akkullea a'jari modala' baji' untu' jammang labattua sallang. Siagang lanri kammanami anjo nalanagappamo ke'nanga katallassang mannannunganga, iamintu katallassang sitojennaya.

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

IBRANI 13:14

Nasaba' tena pammantanganta untu' satunggu-tungguna ri lino; ikatte a'boyaki' pammantangang untu' labattua.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.

IBRANI 9:15

Lanri kammanami anjo, na'jarimo tete Almasi untu' passijanjiang beru, sollanna akkulle natarima sikamma tau le'baka Nakio' Allata'ala untu' annarima barakka'-barakka' mannannungang le'baka Napa'janjiang Allata'ala. Yangasenna anjo kammaya akkullei kajariang lanri nia'na le'ba' mate, iamintu Almasi; na battu ri iaminjo kamateanNa Nakkullemo Nalappassang rupataua battu ri sikamma kasalang le'baka nagaukang ke'nanga, ri wattu tappakena ija passijanjiang uru-urua.

YAKOBUS 1:2

Sikamma sari'battangku! Punna nukasia' a'rupa-rupaya paccoba, parallui nubilang upa' kalennu.

1 PETRUS 1:4

Manrannuangki' untu' langgappai barakka'-barakka' Nabolika ri suruga, sa'genna takkullea panra' yareka a'jari botto', yareka a'jari a'langnge.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.