HOSEA 9:8 - KITTA' MATANGKASA'

⁸ Nasuroa' Allata'ala salaku na'bi untu' ampakainga' ngasengko ikau umma'Na, mingka manna kemae lampaku tuli appattujuangko antannangngia' sikko' rapang jangang. Ri pa'rasangang KalenNa Allata'ala inakke ngaseng na'bi-na'bia nimusuki' ri ra'yaka.

HOSEA 9:8 ပူးပေါင်းရင်းမြစ်များ

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 18:1

Le'baki siapa are wattu sallona, ri makatallun taung ri anjo wattu timoroka, Nakanamo Batara ri Elia, “A'lampako mange andallekang ri Karaeng Ahab, tasalloami nalaKupaturung bosia.”

1 KARAENG-KARAENG 18:19

Kamma-kamma anne parentakammi sikontu ra'ya' Israel untu' angngaganga' sibuntulu' ri Moncong Karmel. Erang tongi anjo 450 na'bi Baal siagang 400 na'bi rewata baine Asyera, ia niongkosia ri Izebel bainenna karaenga!”

1 KARAENG-KARAENG 22:11

Kalase'renna battu ri anjo na'bi-na'bia, ia niarenga Zedekia ana'na Kenaana, appareki tanru'-tanru' bassi nampa nakana ri Ahab, “Iaminne Nakananga Batara, ‘Tanru'-tanru' sangkammaya minne lakitunrungangi Siria sa'genna ancuru' ke'nanga.’ ”

1 KARAENG-KARAENG 22:22

Akkuta'nammi Batara angkana, ‘Antekamma carana?’ Appialimi anjo roh angkana, ‘La'lampa' nampa kupa'jari a'balle-balle ngaseng na'bi-na'bina Ahab.’ Nakanamo Batara, ‘Baji'mi, gaukammi anjo, lakkulleko antu anynyonyoki.’ ”

1 KARAENG-KARAENG 22:28

Nakanamo Mikha, “Punna ammoterekki' siagang salama', battuanna tena Na'bicara Batara tete ri nakke! Sikamma hadereka anrinni a'jari sa'bi ngasengi.”

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

2 KARAENG-KARAENG 13:21

Ri se'reang allo, ri wattunna nia' siapa are tau attarawang tumate, ti'ring nia' nacini' ke'nanga garombolang tu Moab battu. Napela' mami ke'nanga anjo mayaka antama' ri jera'na Elisa nampa lari. Kamma tassento'na anjo mayaka ri kitta'-kitta'na Elisa, attallasa' poleammi ammotere' anjo mayaka nampa ammenteng.

2 KARAENG-KARAENG 2:14

nampa napatunrung anjo jubana Elia ri tompo'na je'neka nanakana, “Kemae Batara, anjo Allata'alana Elia?” Le'baki napatunrung anjo jubaya ri tompo'na je'neka, ta'bage ruami anjo je'neka nampa a'jappa anta'leang.

2 KARAENG-KARAENG 2:21

Nampa a'lampamo Elisa mange ri timbuseng je'neka na napasambila anjo ce'laya antama ri je'neka siagang nakana, “Kammaminne kananNa Batara, ‘Kupa'jari tangkasaki anne je'neka sollanna tenamo napassabakki kamateanga siagang nalari cera' baine tiananga!’ ”

2 KARAENG-KARAENG 4:41

Jari assuro allemi Elisa sike'de' labu', nampa napakioro' antama' ri anjo uringa. Le'baki anjo nakanamo, “Bagemi pole anjo kanrea.” Natenamo bahayana anjo kanrea.

2 KARAENG-KARAENG 4:43

mingka nakana anjo palayanga, “Tena olona langganna' untu' sibilangngang tau!” Appialimi Elisa angkana, “Bagemi mange sollanna angnganre ke'nanga, nasaba' Nakana Batara langnganrei ke'nanga nampa punna le'ba' ke'nanga angnganre lania' ija ammantang tassesa.”

2 KARAENG-KARAENG 5:14

Lanri kammana anjo a'lampami Naaman mange ri Binanga Yordan nampa antama' ampaselangi kalenna pintuju sangkamma napassuroanga Elisa. Na'jari baji'mo Naaman. A'jari baji'mi ammotere' tanja'na kalenna sangkamma kale turungka.

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

2 KARAENG-KARAENG 7:19

Na anjo wattua angkanami anjo pambantuna karaenga, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Nampa nipiali ri Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

PAMMUJI 124:7

Sanrapangki' jangang-jangang lappasaka battu patannang sikkoka, tappu'mi anjo sikkoka, nakilappasa'mo!

KATO'BA 9:12

Takkulleai naasseng rupataua ringngapanna nabattu wattunna. Sanrapang jangang-jangang naalle sikko' siagang juku' naalle jala, kamma tomminjo rupataua natuju bala, ri wattu tenaya nasanna-sannai.

KELONG MALA'BIRI' 3:3

Kubattui paronda kotaya, na kukuta'nang, “Tanucinikai tu ta'dongkoka ri atingku?”

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEREMIA 14:13

Nampa kukanamo, “O Batara Kaminang Tinggia, Kiassengi angkanaya le'ba'mi na'bi-na'bia akkana mae ri ra'yaka angkanaya tena nalania' pa'bundukang yareka kacipurang lanri le'ba'maKi' a'janji angkanaya tuli lania'na kaamangngang anrinni ri pa'rasanganga.”

YEREMIA 23:13

Kucini'mi dosana sikamma na'bi-na'bina Samaria. A'bicarai ke'nanga lalang arenna Rewata Baal, siagang napasala oloangi Israel, ummakKu.

YEREMIA 31:6

Tojeng, lanarapiki sallang wattunna nasikamma pangawala'na kotaya lakkioki ri pa'monconganna Efraim, angkana, ‘Umba kinai' ri Sion, mange ri Karaeng Allata'alata.’ ”

YEREMIA 6:14

Anjo bokka'-bokka'na ummakKu nakanangi ke'nanga poro bokka' ca'diji bawang. Nakana ke'nanga, ‘Ah, tenangngapa-apa, yangasenna baji'ji siagang amanji.’ Nampa tena sikali nakamma anjo.

YEREMIA 6:17

Nampa a'mole-molemo Batara angngangka' pajaga untu' ampakaingaki ke'nanga sollanna napilangngeri pammateina sa'ra tarompeka. Mingka nakana ummaka, “Taerokai ikambe ampilangngeri.”

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

PIRAUNG 4:13

Mingka kajariang tojemmi anjo kammaya, lanri dosana sikamma imanga siagang na'bia. Le'baki napasolong cera'na tau tenaya salana.

YEHEZKIEL 3:17

“He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pappakainga' Kupassareanga.

YEHEZKIEL 33:7

He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pasangKu:

HOSEA 5:1

Nakanana Batara, “Pilangngeri, he sikamma imanga! Parhatikangi, he tu Israel! Pilangngeri, he jari-jarina karaenga! Le'ba'mi nipattantu hukkunganga mae ri kau. Nasaba', mustina adelekko angngadeli, mingka kabalekanna a'jari mako rapang tado' ri Mizpa, rapang sikko' nitannanga ri Bulu' Tabor,

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

MIKHA 7:4

Manna kaminang bajika siagang kaminang lambusuka battu ri ke'nanga kontumi romang akkatinting tenaya matu-matunna. Narapi'mi wattunna Allata'ala anghukkungi umma'Na sangkamma le'baka Napappakaingakkang mae ri ke'nanga tete ri na'bi-na'bia. Kamma-kamma anne ammumbami karicuanga ri alla'na ke'nanga.

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

ROMA 3:7

Mingka punna pila' a'nyata apa tojenga battu ri Allata'ala lanri panggaukang tenaya nannaba, sa'genna nipakala'biri' Allata'ala, angngapa nanisalakangija tau a'gau' ja'dalaka, salaku tau doraka?

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.