HOSEA 8:13 - KITTA' MATANGKASA'

¹³ Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

HOSEA 8:13 ပူးပေါင်းရင်းမြစ်များ

KALAPPASSANG 20:3

Teako anynyombai mae ri rewata-rewata maraeng. Inakke bawang musti nusomba.

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

YESAYA 1:11

Nakana Batara, “Nukapangi angkana Kungai sikontu anjo passare tulusu' nupassareanga mae ri Nakke? LanreA' mae ri sikamma gimbala' koro'bang nitununu siagang ri jannana sikamma ana' sapinu. Tena Kungai cera' sapi lakia, gimbalaka siagang bembea.

YEREMIA 14:10

Ri passala'na anjo bansaya Nakana Batara, “Tena Kusannang mae ri sikamma anjo tau nangaia lari a'lampa ambokoiA', siagang tenaya naero' allewai kalenna. Tena nalaKukaluppai kasalanna ke'nanga; laKuhukkungi ke'nanga lanri dosana ke'nanga.”

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

YEHEZKIEL 29:16

Israel tenamo nalappala' bantuang mae ri kau. Anjo sarennu, he Mesir, lampakaingaki bansa Israel antekamma salana ke'nanga ampattoangi Mesir, sangkamma le'baka nagaukang ke'nanga. Jari naassemmi bansa Israel angkanaya iNakke Batara Kaminang Tinggia.”

HOSEA 11:5

Mingka taerokai tu Israel ammotere' mae ri Nakke; lanri kammana anjo musti ammotereki ke'nanga mange ri Mesir, siagang bansa Asyur lamparentai ke'nanga.

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

HOSEA 4:9

Jari lapa'risi' mako sangkamma ra'yaka! LaKuhukkungko situru' sikamma panggaukannu.

HOSEA 5:6

A'lampai ke'nanga a'boya Batara angngerang gimbala' siagang sapi untu' koro'bang, mingka yangasenna anjo tena matu-matunna. Nasaba' Nibokoimi ke'nanga ri Batara, na tenamo nakkulle ke'nanga ambuntuluki.

HOSEA 6:6

Kungaiangngangi punna tappakko siagang mangngamaseangko ri Nakke, naia punna attunuko siagang assareko koro'bang mae ri Nakke.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

HOSEA 7:16

Tulusu' amminawanna ke'nanga ri rewata-rewata tena sikalia koasana. Takkulleai nipattoang ke'nanga, rapang anrong pana akkombeka otere'na. Tampoi a'bicara pamimping-pamimpinna ke'nanga, passala' kammanami anjo nalanibuno ke'nanga siagang pa'dang, na nikakkali ri tu Mesir.”

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

HOSEA 9:6

Punna battui balaya, siagang nierang ngasengko mange ri pa'rasangang maraeng, anjo niaka tassesa ammantang battu ri kau ngaseng lanipasse'rei ri tu Mesir untu' nabuno siagang natarawang ri Memfis! Lattimboi rukuka siagang katintinga antongkoki tampa'-tampa' bate balla'nu siagang barang-barang pera'nu tinggia anggaranna.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

AMOS 5:22

Punna angngerangko koro'bang nitunu siagang koro'bang gandung, tena nalaKutarima. TaeroKa' antarimai anjo olo'-olo'nu co'moka nupassareanga mae ri Nakke salaku koro'bang passiamakkang.

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.

LUKAS 12:2

Nasaba' tenanniakka apa-apa taccokko talakacinikang; yareka tenanniakka apa-apa nirahasiakang talakaassengang.

1 KORINTUS 11:20

Sikontutojenna teai ParjamuanNa Batara nugaukang punna a'rappungangko.

1 KORINTUS 11:29

Nasaba' inai-nai angkanrei anjo rotia siagang angnginungi anjo anggoroka natena najampangi angkanaya anjo parjamuanga nia' passisambunganna siagang batangkalenNa Batara, anjo taua angnganremi siagang angnginummi hukkungang battu ri Allata'ala mae ri kalenna.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

PAOLE 28:68

LaNakiringko ammotere' Batara mange ri Mesir siagang kappala', manna pole nale'ba'mo angkana angkanaya tenamo nulammotere' mange anjoreng. Anjoreng lanubalukangi kalennu a'jari ata mae ri musunnu, mingka manna sitau tania' ero' amballiko.”

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.