HOSEA 7:14 - KITTA' MATANGKASA'

¹⁴ Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

HOSEA 7:14 ပူးပေါင်းရင်းမြစ်များ

KALAPPASSANG 32:6

Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YESAYA 52:5

Kamma-kamma anne apa urusangKu anrinni? Natahangko tu Babel, na natahang bawang-bawang jako. Anjo tau anjallakkangako tulusu' napattampoanna kalenna siagang nahinA'.

YESAYA 65:14

Sikontutojenna lakkio' rannui ke'nanga, mingka ikau angngarrukko napakamma si'na.

YEREMIA 12:2

Kilamungi ke'nanga rapang lamung-lamung, nampa angngaka' ke'nanga, attimbo, siagang a'rappo. Tuli nabicara bajitTa ke'nanga, mingka lalang atinna, sikontutojenna tena najampangiKi'.

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

PIRAUNG 2:18

He tembo'-tembo'na Yerusalem, akkiokko mae ri Batara! Pamatti'mi je'ne matannu rapang binanga assolonga je'nena allo bangngi. Angngarru' tulusukko, teako ammari sa'genna mangngang nusa'ring!

HOSEA 13:6

Mingka ri nia'numo ri pa'rasangang bajika, siagang bassoro' mako kammayatompa sukku'mi nusa'ring, a'jari tampo mako siagang takkaluppa mako mae ri Nakke.

HOSEA 13:9

LaKuancuru' kabusukko, he bansa Israel! Nampa inai kutadeng akkulle antulungko?

HOSEA 3:1

Nakana Batara ri nakke, “A'lampako pole siagang angngaiko pole sitau baine nangaia a'gau' bawang. Mangngaiko ri ia sangkamma iNakke mangngaiA' ri tu Israel manna pole nabokoiA' ke'nanga nanynyomba ri barhala-barhala maraenga siagang nangai assare kanrejawa kismis mae ri barhalaya.”

HOSEA 8:2

Manna pole nakkio' Allata'ala ke'nanga mae ri Nakke siagang nakana ke'nanga ummakKu tappaka mae ri Nakke,

AMOS 2:8

Ri sikamma tampa' ibadaya, attinroi siagang baju napappita'gallanga na naalle tulusu' battu ri tu kasi-asia. Ri Balla'Na Allata'alana ke'nanga, angnginung anggoro' naallea battu ri tau niaka inranna mae ri ke'nanga.

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

ZAKHARIA 7:5

Nakana, “Pabattuangi mae ri sikontu pandudu'na anne pa'rasanganga siagang mae ri sikamma imanga, angkanaya anjo puasaya siagang karru' nagaukanga ke'nanga ri bulang makalimaya siagang makatujua lalanna anne tujupulo taunga teai pappakalompo untu' mae ri Nakke.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

YAKOBUS 4:3

Siagang manna pole le'ba' mako appala', mingka tena nunggappa, lanri salai pattujunnu; anjo apa nupalaka sangnging untu' kasannangang kalennu bawang.

YAKOBUS 5:1

Sikamma sari'battangku, akkalumanynyanga! Pilangngeri anne pappakaingakku. Paralluko angngarru' siagang appiraung lanri lanukasia'na kasessanga!

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.