HOSEA 4:15 - KITTA' MATANGKASA'

¹⁵ He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

HOSEA 4:15 ပူးပေါင်းရင်းမြစ်များ

2 PATTOTTORANG 17:4

passangalinna anynyombai mae ri Allata'ala. Mannuruki mae ri parenta-parentaNa Allata'ala, siagang tena nakamma karaeng-karaeng Israel batena attallasa'.

2 PATTOTTORANG 21:11

Ba'lalo ambangungi tampa'-tampa' panynyombang mae ri barhalaya ri daera-daera monconna Yehuda, na naerang ra'ya' Yehuda siagang Yerusalem mae ri gau' dorakaya mae ri Batara.

YESAYA 48:1

Pilangngeri, he turunganna Yakub, turunganna Yehuda ammakea areng Israel, nukana numangakui Allata'alana Israel, siagang assumpako lalang arenNa Batara. Mingka tena nannarrusu' kana-kanannu antama' ri atinnu.

YEREMIA 44:26

Mingka kamma-kamma anne pilangngeri apa Kupaua mae ri kau, he tu Israel niaka ri Mesir: INakke, Batara, assumpA' lanri arengKu mala'birika, angkanaya tenamo naKupa'biangko ampakei arengKu untu' appare' janji. Takkulleako angkana, ‘Assumpa' lanri Allata'ala mattallasaka!’

YEREMIA 5:2

Nukana kalennu anynyombako mae ri Batara, nampa takammayaja anjo pattujunnu.

YEHEZKIEL 20:39

Nakana Batara Kaminang Tinggia, “He tu Israel, kamma-kamma anne battu ri kau tommami. Patulusu'mi a'gau' dosa anynyomba ri barhala-barhalanu! Mingka u'rangi angkanaya punna le'baki anjo musti mannurukiko ri Nakke siagang tenamo nanura'massi areng matangkasakKu lanri angngerannu passare mae ri anjo barhala-barhalanu.

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

HOSEA 10:8

Sikamma balla' rewata niaka ri bulu'-bulu'na Betel tampa'na tu Israel anynyomba barhala, laniancuruki. Katintinga siagang rukuka lattimboi ri tampa' pakkoro'bangnganna ke'nanga. Nampa lammarrang ke'nanga mae ri moncong-monconga angkana, “Tongko'mi ikambe!” siagang mae ri bulu'-buluka angkana, “Tujumi ikambe!”

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

HOSEA 12:12

mingka manna nakamma tuli nia'na ija anynyomba barhala ri Gilead, kammayatompa assare koro'bang sapi irate ri tampa' pakkoro'bangnganga ri Gilgal. Mingka anjo ke'nanga anynyombaya ri anjo barhalaya lamatei, siagang anjo tampa'-tampa' pakkoro'bangnganga ri Gilgal la'jari tambungang batui ri koko-kokoa.”

HOSEA 4:12

Appalakko pangngunju' battu ri sipolonga kayu! Se'reang takkang ampauangko apa eroka nuasseng! Rapangko sitau baine niaka bura'nenna na'jari pasundala'; nubokoiA' nampa nupassareang kalennu mae ri rewata-rewata maraenga.

HOSEA 5:8

Tuiki tarompeka ri Gibea! Pasa'rai tanra pakkioka untu' mange a'bundu' ri Rama! Ammarrangko sa'ra pa'bundukang ri Betel. Umba, tu Benyamin, majuko a'bundu'!

HOSEA 9:15

Nakana Batara, “Sikontu kaja'dallanna ke'nanga appakkaramulai ri Gilgal. AnjoremMa' appakkaramula birisi' mae ri ke'nanga. Lanri panggaukanna ke'nanga ja'dalaka, laKubongkai ke'nanga battu ri anne pa'rasangangKu. Tenamo nalaKukamaseangi ke'nanga; sikontu pamimpinna ke'nanga angngewa ngasemmi ri Nakke.

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”

AMOS 6:10

Sitau anggota kaluargana ia tugasaka angngurusuki panguburanna, laniaki battu siagang naerangi assulu' maya'na bijanna. Lakkioki mae ri tau niaka ri bageang bokona anjo ballaka angkana, “Apaka nia' ija maraeng attallasa' pantaranganna ikau?” Na lania'mo sa'ra appiali angkana, “Tenamo!” Anjo anggota kaluarga tugasaka antarawangi anjo mayaka lanakana, “Tea' mako a'bicarai pole! Takkulleaki' ampaui arenNa Batara.”

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

YOSUA 5:9

Nakana Batara mae ri Yosua, “Anne alloa le'ba'mi Kupa'lanynya' katunaannu ngaseng salaku ata-ata ri Mesir.” Iaminjo naniareng anjo tampaka Gilgal, battuanna nipa'lanynya', sa'genna kamma-kamma anne.

YOSUA 7:2

Anjo wattua nia' siapa are tau nasuro Yosua battu ri Yerikho mange ri kota Ai, iamintu se'rea kota irayanganna Betel, ri ampi'na Bet-Awen. Anjo sikammaya tau nisarei tugasa' untu' a'lampa ansalidiki anjo daeraya. Le'ba'na nagaukang ke'nanga anjo tugasaka,