HOSEA 14:9 - KITTA' MATANGKASA'

⁹ Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

HOSEA 14:9 ပူးပေါင်းရင်းမြစ်များ

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

PAMMUJI 107:43

Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

PAMMUJI 119:128

Lanri kamma nakuttallasa'mo situru' sikontu pitunjutTa; panggaukang ammengkaya kukabirisi.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PAMMUJI 84:5

Tamaka mate'nena tau ammantanga ri BallatTa, na tuli makkelong lagu pammuji mae ri Katte.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

PANGNGEBARANG 10:29

Batara anjagai tau lambusuka, mingka Napanraki tau a'gau' ja'dalaka.

PANGNGEBARANG 16:21

Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

YESAYA 1:28

Mingka tau dorakaya, angngewaya mae ri Ia, laNapanraki, nampa sikamma tau ambokoiyai laNapaccappuki.

YESAYA 17:8

Tenamo nalamanrannuang pole ke'nanga ri wassele' bate pare' kalenna ke'nanga, iamintu ri tampa'-tampa' pattunuang dupana, siagang patung-patunna rewata baine niarenga Asyera.

YESAYA 26:7

Tau lambusuka pa'mai'na a'jappai ri oloang lambusuka, saba' iKatte, Batara, amparekangi oloang.

YEREMIA 29:12

Jari lappala' tulungko mae ri Nakke. Labattuko mae ri Nakke appala' doang, nampa laKupiali pappala' doannu.

YEREMIA 9:12

Akkuta'nanga' angkana, “Batara, angngapa nanibalang parekang anne pa'rasanganga a'jari roso' siagang kalotoro', sangkamma parang luara' tenaya ampanumaloi? Maka nia' akkulle cara'de' untu' ampahangi apa battuanna yangasenna anne? Inai tau le'ba' Kipisingariang sollanna akkulle napatulusu' anjo kasingaranga mae ri tau maraenga?”

YEHEZKIEL 11:18

Punna ammotereki ke'nanga, lanapela' ngasengi ke'nanga barhala kodia siagang appakaringi'-ringika ia nabuntuluka ke'nanga.

YEHEZKIEL 18:25

Nakulle kapang nia' tau akkana kamma anne, ‘Anjo tindakanNa Batara salai.’ Pilangngeri he tu Israel! Maka salai anjo tindakangKu? Ikaumi sala.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

DANIEL 12:10

Jai tau laniso'ri siagang lanitangkasi. Ke'nanga ja'dalaka tena nalanapahangi siagang tulusu' la'gau' ja'dala'na; iaji bawang cara'deka lampahangi.

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

ZAKHARIA 10:6

“LaKupa'jari kassaki pandudu'na Yehuda, laKupasalamaki umma' Israel. Kuerangi ke'nanga ammotere' mange ri pa'rasanganna lanri Kusayanna ke'nanga. LaKupareki ke'nanga sangkamma bansa tenaya nale'ba' Kusassali. INakkemi Karaeng Allata'alana ke'nanga, sikontu pappala' doanna laKuparhatikangi ammotere'.

MATIUS 11:19

Battuiseng Ana' Ma'rupataua – Nangnganre siagang angnginung; nanipakkanaimo ri taua, ‘Cinissai anjo taua, balalana siagang painunna! Manna pasingara' simaya siagang tau kodi sipaka Naagang ngaseng sipa'rappungang.’ Mingka manna nakamma mamo, lanipa'butti tonjia ero'Na Allata'ala lanri a'nyatana wassele'na.”

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

LUKAS 7:23

Mate'nemi tau tenaya naero' ansorongbokoA'.”

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

YOHANES 18:37

Akkuta'nammi Pilatus nakana, “Jari punna kamma, KaraengKo padeng?” Appialimi Isa Nakana, “Nupaumi angkanaya iNakke anne karaengA'. Se'reji pattujunna naKunilassukang siagang naKubattu ri anne linoa, iamintu ampabattui katojenganga. Inai-nai battu ri anjo katojenganga iami lampilangngeriA'.”

YOHANES 8:47

Inai-nai battu ri Allata'ala, tantu napilangngeri kananNa Allata'ala. Mingka ikau ngaseng, teaiko tau battu ri Allata'ala. Iaminjo saba'na nanutea appilangngeri.”

YOHANES 9:39

Nakanamo Isa, “BattuA' antama' ri anne linoa untu' angngadeli; sollanna akkulle accini' tau butaya, na'jari buta tau accinika.”

LAMPA-LAMPANA 13:10

nampa nakana, “He, ikau paballe-balle lompoa, ana' tu sannaka ja'dala'na! Ikaumi musunna sikontu apa-apa bajika. Angngapa nutaeroka ampamari anrompa-rompai ero'Na Allata'ala untu' ampasalamaki rupataua?

ROMA 7:12

Anjo hukkung-hukkung agamaya battu ri Allata'ala assala'na, siagang sikamma anjo apa nipassuroanga lalang ri hukkung agamaya, battu ri Allata'ala assala'na, jari adeleki siagang bajiki.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!