HOSEA 13:9 - KITTA' MATANGKASA'

⁹ LaKuancuru' kabusukko, he bansa Israel! Nampa inai kutadeng akkulle antulungko?

HOSEA 13:9 ပူးပေါင်းရင်းမြစ်များ

2 PATTOTTORANG 28:23

Nacilakai kalenna siagang ra'ya'na lanri assarena koro'bang mae ri rewata-rewatana tu Siria le'baka ambetai. Nakana nawa-nawana, “Rewata-rewata Siria le'ba' ambantui karaeng-karaeng Siria, jari punna assarea' koro'bang mae ri anjo rewata-rewataya, barang akkulle tonga' natulung.”

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

PAMMUJI 33:20

Umba kimanrannuang mae ri Batara, Iami pannulunta siagang mappatojenta.

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PANGNGEBARANG 6:32

Mingka antekammai tu bura'ne a'gau' salaya? Ia napanraki kalenna! Ia sanna' sikali dongo'na!

PANGNGEBARANG 8:36

Inai tena nabuntulukka', napakarugi kalenna; tau birisika ri nakke, natanringi kamateanga.”

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

YESAYA 3:9

Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 4:18

Yehuda, kalennu tonji ampabattui anjo balaya mae ri kalennu. Batenu attallasa' siagang sikamma panggaukannu a'jari passabakkang mae ri sikontu anjo passessa ampa'rissiai atinnu.

YEREMIA 5:25

Mingka iaminjo dosa-dosanu ngaseng anrompai sikontu anjo apa bajika sa'genna tena nukasiaki baji'na.

HOSEA 13:4

Nakana Batara, “INakke Karaeng Allata'alanu, le'baka angngerangko assulu' battu ri Mesir. Tena Allata'ala maraeng pantaranganna iNakke. INakkemi se're-se'rea ampasalamakko.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

HOSEA 7:15

Manna pole naiNakke ampakalompoi siagang ampakagassingi ke'nanga, mingka assikongkoloki ke'nanga angngewa ri Nakke.

MALEAKHI 1:12

Mingka ikau ngaseng nuhina-hinA' lanri nubilang tenana anggaranna tampa' pakkoro'bangngangKu, siagang nupassareangi anjoreng kanre nusorong bokoa.

MALEAKHI 1:13

Nukana ngaseng, ‘Lanremaki' mae ri sikammaya ngaseng anjo’, nampa nubawang-bawangngangA'. Angngerangko olo'-olo' nilukka', olo'-olo' pesoka yareka garringa untu' nupassareang mae ri Nakke. Nupikkiriki angkana erokKa' antarimai anjo passare kammaya?

MALEAKHI 1:9

Kamma-kamma anne, he sikamma imanga, coba sai pala' mae ri Allata'ala sollanna Nakamaseangki'. Tena Nalanapiali pappala' doannu, siagang anjo battu ri kasalannu tonji.

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”